2030 jyldary sıfrlyq zańger, kıberadvokat, kıbertergeýshi sıaqty mamandyqtar paıda bolmaq.
Elektrondy eńbek bırjasy aldaǵy jyldary jańa mamandyqtardyń paıda bolatynyn boljap otyr, dep habarlaıdy Almaty-akshamy.kz Ranking.kz saıtyna silteme jasap.
Qazaqstandaǵy aqparat jáne baılanys salasynda 2021 jyldyń birinshi toqsanynda 162,3 myń adam jumys istedi. Bul ótken jylǵy kórsetkishtermen salystyrǵanda 2,6%-ǵa kóp.
Bul salada jumys istegenderdiń basym kópshiligi Almaty (39 myń adam), Nur-Sultan (32,6 myń adam) jáne Shymkent (11,8 myń adam) qalalarynyń turǵyndary bolyp keledi.
Bul salada jumys isteıtinderdiń eń az sany - 25 myń adam Qyzylorda oblysynda tirkelgen. Bul basqa aımaqtarmen jáne 2020 jyldyń birinshi toqsanymen salystyrǵanda 18,4%-ǵa az.
Bul saladaǵy jalaqy mólsheri 328,1 myńdy teńgeni qurady. Ótken jylmen salystyrǵanda 7,4%-ǵa kóp.
Al satyp alý qabiletiniń naqty ósýi 2020 jyldyń birinshi toqsanymen salystyrǵanda 0,1% qurady. Bul sektorda eń joǵary jalaqyny kompúterlik baǵdarlamalaý salasynyń mamandary, keńes beretin jáne ózge de qyzmet kórsetetin mamandar alady (354,6 myń), eń tómengi jalaqyny kıno, telebaǵdarlama túsirýshiler, mýzyka jazýshylar (218,1 myń teńge) alady.
Baılanys salasynyń mamandary 345 myń teńge, baspa salasynyń qyzmetkerleri 339,6 myń teńge, telebaǵdarlama jasaýshylar 267,8 myń teńge, aqparattyq qyzmet mamandary 258,6 myń teńge kóleminde jalaqy alady.
Orta eseppen alǵanda, Qazaqstan óńirleri arasynda Nur-Sultan men Almaty qalalaryndaǵy aqparat jáne baılanys salasynyń mamandardyń tabysy kóp. Al eń az tabatyndar - Túrkistan oblysyndaǵy mamandar, olardyń jalaqysy 118,4 myń teńgeni quraıdy.
Elektrondy eńbek bırjasynyń Mamandar atlasy aldaǵy ýaqytta IT salasynda jańa 40 mamandyq paıda bolatynyn, 6 mamandyqtyń transformasıaǵa ushyraıtynyn jáne 9 mamandyqtyń joıylatynyn boljap otyr.
Salalyq sarapshylardyń deregi boıynsha, 2030 jyly qoldaý qyzmetiniń sarapshysy, call-ortalyq operatory, web-paraqsha jasaýshylar, sıfrlyq aqparatty óńdeýshi master sıaqty mamandar bolmaıdy.
Jańadan paıda bolatyn mamandyqtardyń arasynda qazirdiń ózinde DevOps-ınjenerine suranys joǵary. 2020 jyly IT-ekojúıesiniń sáýletshisi, MVP-manager, product-manager, R&D-manager sıaqty mamandyqtar paıda bolady degen boljam jasalǵan.
Mamandardyń aıtýynsha, 2030 jyly sıfrlyq zańger, kıberadvokat, kıbertergeýshi sıaqty mamandar paıda bolady. 2040 jyly, aldyn ala jasalǵan boljam boıynsha, ınjener-kıborgızator jáne kıborgızasıa boıynsha ınstrýktorlar kerek bolady.