Memorandým aıasynda biryńǵaı qalalyq baılanys ortalyǵyn robottandyrý júzege asyrylady.
Almaty qalasynyń sıfrlandyrý basqarmasy jáne «Yandex.Cloud» bultty jáne ilespe qyzmetterdi ilgeriletýge baılanysty yntymaqtastyq jáne is-sharalarǵa birlesip qatysý múmkindigin qarastyrady, dep habarlaıdy Almaty-akshamy.kz.
Osy arqyly basqarma men kompanıa kelesi baǵyttar men jobalar boıynsha áriptestik qatynastar týraly uzaq merzimdi kelisim aıasynda tıimdi yntymaqtastyqty damytýdy josparlap otyr:
- Daýystyq kómekshiler: qala azamattarymen ózara is-qımyl sapasyn jaqsartý maqsatynda «1308» biryńǵaı qalalyq baılanys ortalyǵyn robottandyrý;
- Bıznesti damytý: hakatondar men konkýrstardy ótkizýdegi tehnologıalyq seriktestik, platforma qýattarynyń kelisilgen sanyn bólý;
- Aqparattandyrý – Reseı Federasıasynda júzege asyrylatyn uqsas jobalar negizinde Biryńǵaı Komýnıkasıalyq Keńistikti damytý boıynsha saraptamalardy, ázirlemeler men isterdi bólisýge daıyn bolý;
- Data jáne retteýshi qumsalǵyshtardy damytý –tehnologıalyq seriktes bolýǵa jáne ártúrli pılottyq jáne testtik jobalar úshin alań usynýǵa daıyndyq;
- TKSH – aýdıo jáne beıne beınelerdi, IoT servısterin taný boıynsha Speech kit tehnologıasy negizinde eseptegishterdiń kórsetkishterin jınaýdy avtomattandyrý nusqalaryn pysyqtaý.
Sondaı-aq «Yandex.Cloud» Qazaqstan Respýblıkasynyń aýmaǵynda «Biryńǵaı derekter qoımasy» jáne densaýlyq saqtaý salasy sıaqty baǵyttar pysyqtalatyn bolady, onda DSHQQJ (dárigerlik sheshimder qabyldaýdy qoldaý júıeleri) jáne medısınalyq beınelerdi óńdeý, saqtaý jáne berý júıeleri (PACS) salasyndaǵy jobalardy iske asyrý;
ML-modelderdi qurý úshin beınelerdi óńdeý jáne taný jáne derekterdi odan ári saqtaý jáne paıdalaný bóliginde yntymaqtastyq kózdeledi.