Pew Research kompanıasy júrgizgen zertteý nátıjesine qaraǵanda, Amerıka qurama shtattary men Kenıa turǵyndary ózge elderge qaraǵanda ıslamdy eń kóp qabyldaıtyn bolyp shyqty.
Bul jaıynda islam.kz portaly óz kezeginde Morocco World News resýrsyna jón siltegen IslamNews aqparat agenttigine silteme jasaı otyryp málim etedi, dep habarlaıdy aqshamnews.kz.
Áleýmettanýshylar anyqtaǵandaı, árbir besinshi amerıkalyq turǵyn ózge nanym-senimdegi otbasynda ósip, ıslamǵa óz betinshe kelgen. Dese de AQSH halqynyń arasynda musylmandar qarasy ózge eldermen salystyrǵanda óte az – bar-joǵy shamamen 1%-dy quraıdy. Al Kenıaǵa kelsek, Afrıka qurlyǵyndaǵy atalǵan el turǵyndarynyń 11%y musylmandardan turady.
AQSH pen Kenıa turǵyndarynyń ıslamdy qabyldaǵandar arasynda buryn hrıstıan senimindegilerdiń úlesi joǵary. Bir nárse anyq, ıslam tárbıesinde óskender arasynda ózge nanym-senimge ótkender qarasy óte az. Tipti, ıslamnan bas tartqandarynyń ózi ózge nanym-senimge ketpeıdi, olar agnostıkke nemese ateıske aınalady.