Memleket basshysy Serbıa prezıdenti Aleksandr Výchıchpen telefon arqyly sóılesti, dep habarlaıdy El.kz aqparat agenttigi.
Qasym-Jomart Toqaev pen Aleksandr Výchıch ekijaqty yntymaqtastyqtyń damý qarqynyn joǵary baǵalap, qazaq-serb qarym-qatynastaryn odan ári nyǵaıtýǵa nıetti ekenin jetkizdi, dep habarlaıdy aqshamnews.kz Aqordanyń resmı saıtyna silteme jasap.
Taraptar Qazaqstan prezıdentiniń 2024 jylǵy qarasha aıynda Belgradqa resmı sapary barysynda qol jetkizilgen ýaǵdalastyqtardy júzege asyrý barysyn talqylady.
Memleketter basshylary saýda-ekonomıkalyq jáne ınvestısıalyq baılanystardy jandandyrýdyń, sonyń ishinde ónerkásip, energetıka, qurylys, aýyl sharýashylyǵy, sıfrlandyrý, kólik jáne logıstıka salalaryndaǵy birlesken bastamalardy naqty iske asyrýdyń mańyzyn atap ótti.
Qasym-Jomart Toqaev Aleksandr Výchıchti bıyl Qazaqstanǵa resmı saparmen kelýge shaqyrdy.