Búgin, 7 sáýir kúni, Almatyda áýejaı qyzmetkerin kepilge alǵan er adamǵa qatysty otyrysy bastaldy.
Almaty qalasynyń Túrksib aýdandyq sotynda 67 jastaǵy almatylyq Mashrapbek Baratovqa qatysty sot prosesi bastaldy, dep habarlaıdy aqshamnews.kz.
Esterińizde bolsa, kúdikti 7 naýryz kúni Almaty áýejaıynda qyzmetkerdi kepilge alyp, pyshaqpen qorqytqan edi. Budan bólek ol rúkzagynda bomba baryn aıtqan.
Sottalýshy taǵylǵan aıyppen kelisip, kinásin tolyq moıyndady.
Bul jaıtqa baılanysty úsh qylmystyq is qozǵaldy.
Kepilge alý (QR QK-niń 261-baby 2-bóligi 4-tarmaǵy) - múlki tárkilenip, 7 jyldan 12 jylǵa deıingi merzimge bas bostandyǵynan aıyrý jazasy.
Qarý qoldaný arqyly jasalǵan buzaqylyq (QR QK-niń 293-baby 3-bóligi) - 3 jyldan 7 jylǵa deıingi merzimge bas bostandyǵynan aıyrý jazasy.
Terorızm aktisi týraly kórineý jalǵan habarlaý (QR QK-niń 273-baby) - 5 000 AEK mólsherinde aıyppul nemese 5 jylǵa deıin bas bostandyǵynan aıyrý jazasy.