İshki ister mınıstri Erjan Sadenov bastaǵan Qazaqstan İİM delegasıasy Seýldegi Halyqaralyq polısıa samıtine qatysty, dep habarlaıdy almaty-akshamy.kz
Samıtte halyqaralyq yntymaqtastyq, qaýip-qaterlerge qarsy is-qımyl, polısıadaǵy zamanaýı ózgeristerge den qoıý, keshendi jan-jaqty yntymaqtastyqty qalyptastyrý máseleleri talqylandy.
Sondaı-aq ǵylymǵa negizdelgen jáne qoǵamǵa baǵyttalǵan polısıa strategıasyn jetildirý, quqyq qorǵaý organdarynyń qyzmetkerlerin ártúrli jaǵdaılarda tózimdilikke úıretý jáne tárbıeleý jónindegi suraqtar qaraldy.
Qazaqstannyń İİM basshysy óz sózinde kóterilgen máselelerdiń mańyzdylyǵyn, sonymen qatar ishki ister organdarynyń áriptestikke ashyqtyǵyn atap ótti. Halyqaralyq is-sharaǵa 30-dan astam eldiń polısıa vedomstvolarynyń, sondaı-aq Interpol, Eýropol, Birikken Ulttar Uıymynyń beıindi basqarmasynyń basshylary qatysty.
Shara qarsańynda samıtke qatysýshy delegasıa basshylarynyń Koreıa Respýblıkasynyń prezıdenti Iýn Sok Elmen kezdesýi ótti.