Ol ózi-ózine istep aldy.
Oblystyq prokýratýranyń umarovnews.kz tilshisine bergen málimetine qaraǵanda, vıdeo áleýmettik jelide paıda bolǵannan keıin birden Abylaı Bısqalıev medısınalyq tekserýden ótip, óziniń ishimdik ishpegenin dáleldep baqqan, dep habarlaıdy aqshamnews.kz.
«Foto jáne beıne jazbanyń naqty kúnin anyqtaý múmkin bolmady. Bul rette áleýmettik jeli qoldanýshylary men ınternet-resýrs oqyrmandary arasynda qoǵamdyq pikir týyp, kópshilik talqyǵa saldy. №81 Qazaqstan Respýblıkasynyń quqyq qorǵaý organdary, azamattyq qorǵaý organdary jáne memlekettik feldegerlik qyzmeti qyzmetkerleriniń Ádep kodeksi 7-taraýynyń 3, 6 jáne 9-tarmaqtaryna sáıkes azamattardyń, qoǵam men olardyń aldyndaǵy jaýapkershiligin sezinetin qyzmetkerler memleket teris rezonans týdyratyn áreketterge jol bermeýi kerek», - dep jazylǵan prokýratýra habarlamasynda.
15 tamyzda qyzmettik tekserý qorytyndysy boıynsha Bısqalıev qyzmettik talaptardy tolyq oryndamaǵany týraly eskertýmen tártiptik jaýapkershilikke tartyldy. Ol óz kezeginde qyzmetinen bosatylǵany týraly esep berdi. 20 tamyzda onyń ótinishi qanaǵattandyryldy.
Eske sala keteıik, osyǵan deıin áleýmettik jelide Batys Qazaqstan oblysynyń tabıǵat qorǵaý prokýrorynyń kúndiz qatty mas kúıde bolǵany týraly vıdeosy áleýmettik jelide taraǵan bolatyn. Vıdeo qyzmettik tergeýge negiz boldy.