Eıfel munarasynan tórt ese úlken asteroıd naýryzda Jerge jaqyn keledi
138971 (2001 CB21) dep atalatyn asteroıd naýryzda Jerge jaqyndaıdy. Bul týraly Newsweek basylymy Ulttyq aeronavtıka jáne ǵarysh basqarmasyna (NASA) silteme jasaı otyryp habarlady.
Ǵaryshkerlerdiń málimetinshe, Jerge jaqyndap kele jatqan ǵarysh denesiniń dıametri shamamen 1,3 shaqyrym nemese 4256 fýt. Ol Eıfel munarasynan tórt ese úlken. Boljam boıynsha ol 4 naýryzda Astana ýaqytymen saǵat 13.00 shamasynda jerge jaqyn keledi. Ol saǵatyna 43 myń shaqyrym jyldamdyqpen qozǵalady, dep eskertti ǵalymdar.
NASA bul asteroıdty «qaýipi joǵary» dep baǵalady. Degenmen, ǵalymdar jaqyn bolashaqta ol Jermen soqtyǵyspaıdy dep otyr.
«Asteroıd óziniń eń jaqyn núktesinde úsh mıllıon mılden astam qashyqtyqta bolady, bul aıdan on ese alys jer»,-deıdi sarapshylar.
2001 CB21 asteroıdyn alǵash ret Italıadaǵy «Vırtýaldy teleskop» jobasy astronomy Djanlýka Ması anyqtaǵan. Ol asteroıd Jerden 34,6 mıllıon kılometr qashyqtyqta bolǵan kezde ony jerdegi teleskoppen sýretke túsirip aldy.
Buǵan deıin halyqaralyq ǵaryshkerler toby Jerge jaqyn jerde taǵy bir troıandyq asteroıd 2020 XL5 bar ekenin rastaǵan bolatyn.