Travmatıkalyq qarýlar men granatalar tárkilendi
Almatynyń ortalyǵynan qarý-jaraq arsenaly tabyldy, dep habarlaıdy Almaty-akshamy.kz Polisia.kz-ke silteme jasap.
Qoıma osy jyldyń qańtar aıynyń basynda bolǵan jappaı tártipsizdikterdiń oshaǵynan tabyldy.
«Jedel is-sharalardy júrgizý barysynda «Samal» yqshamaýdanynda Memlekettik murajaıdyń janynan qyzmettik-izdeýshi ıt arsenal qoımasyn tapty. Jasyrylǵan jerden travmatıkalyq qarýlar men granatalar tárkilendi. Jaqyn jerdegi qoqys jáshiginen patrondar tabyldy: 12 kalıbrli – 19 dana, 7,62 kalıbrli – 7 dana, 5,45 kalıbrli – 4 dana. Oq-dárilerdiń tıesiligi tekserý barysynda anyqtalady», – deıdi Medeý aýdandyq Polısıa basqarmasynyń bastyǵy Dáýren Ótebaev.