Hıdjab kımegeni úshin polısıaǵa ustalǵan Mahsa Amırıdiń óliminen keıin araǵa bir jyl salyp Iran halqy narazylyqqa qaıtadan shyqty, dep habarlaıdy Almaty-akshamy.kz.
CNN arnasynyń habarlaýynsha, narazylyqtar Mahsa Amırıdiń óliminiń bir jyldyǵyna oraılastyrylǵan. Amırıdi eske alýǵa arnalǵan sherý el astanasy Tegerandy qosa alǵanda, keminde alty iri qalada ótken. Irannyń soltústigindegi Lahıdjan qalasyndaǵy narazylyq aksıasyn qarýly polısıa taratqan.
Keıbir sherýshiler úkimetke qarsy málimdemeler jasady. Kóptegen narazylyq bildirýshiler «Áıelder, ómir, bostandyq» degen sekildi urandardy jazyp alǵan. Bul Iranda bir jyl burynǵy jappaı narazylyqtar kezinde qoldanylǵan urandar bolatyn. Sol kezde el turǵyndary Memleket basshylyǵynyń qabylǵan saıasatymen kelispeıtindikterin bildirip, hıdjab kıýge qoıylatyn qatań talaptardy jumsartýdy talap etken edi. Ótken jylǵy sherý bılik tarapynan qatań sharalar qoldaný arqyly basylǵandyqtan, bıylǵy sherýge halyq áldeqaıda az jınaldy.
Mahsa Amırıdi eske alý mıtıńileri Parıjde, Brússelde, Berlınde jáne Londonda da ótti. Sonymen qatar, Irannyń ózinde qyzdyń qaıtys bolǵanyna bir jyl tolmas buryn onyń ákesi, aǵasy birneshe saǵatqa qamaýǵa alynǵan. Sebebi, olarǵa jappaı eske alý sharalaryn ótkizbeý týraly eskertilgen.