Qazirgi ýaqytta Almaty qalasynyń sot oryndaýshylarynyń oryndaýynda alıment óndirip alý týraly 16 myńnan astam atqarýshylyq is júrgizilýde, dep habarlaıdy Almaty-akshamy.kz.
Onyń 60% - dan astamy merzimdi óndirip alý barysynda, dep aıtty ÓKQ brıfıńinde Almaty qalasy Ádilet departamentiniń ókilderi.
«Sondaı-aq, boryshkerler alımentti óz betinshe tóleıtin atqarýshylyq is júrgizýler de bar. Alaıda, sot sheshimderin, sonyń ishinde alıment boıynsha sheshimderdi oryndaý kóptegen qıyndyqtarmen baılanysty, mysaly, boryshkerdiń qolma-qol aqshasynyń bolmaýy, jaýapkerdiń turǵylyqty jerin belgilemeý, turaqty jumys ornynyń bolmaýy, óndirip alýǵa bolatyn múlik jáne t.b», - dedi Almaty qalasy Ádilet departamenti atqarýshylyq is júrgizýdi qamtamasyz etý boıynsha bólim basshysy Ánýar Jeksekov.
Alıment tóleýdi qamtamasyz etý úshin boryshkerlerdi jumysqa ornalastyrý qajet. Osy maqsatta memlekettik organmen ózara is-qımyl týraly Memorandýmǵa qol qoıyldy.
Osylaısha, 2023 jyly alıment boıynsha boryshkerler úshin 4 Bos oryndar jármeńkesi ótkizildi, oǵan 320 jumys ornyna ashyq bos jumys oryndary bar 15-ten astam iri kompanıa (mysaly, Forte Bank, Sulpak, Helios, Rams Qazaqstan jáne t.b.) shaqyryldy.
Aǵymdaǵy jyly Departament barlyǵy 78 boryshker ákimshilik jaýapkershilikke tartty, 5 táýlikke deıin 81 ákimshilik qamaý jazasy qoldanyldy. Alıment boıynsha 4 boryshker qylmystyq jaýapkershilikke tartyldy, sot oryndaýshylarynyń 4 usynysy anyqtaý organdarynyń qaraýynda.
«Alıment óndirip alý boıynsha barlyq qabyldanyp jatqan sharalardy eskere otyryp, boryshkerler 50 mln.teńgeden astam bereshek tóledi, osylaısha Departament sot aktilerin oryndaý jónindegi mindetterdi sheship, aldaǵy ýaqytta da isterdiń áleýmettik mańyzdy sanattaryn naqty oryndaý úshin jumys isteıtin bolady», - dedi spıker.
2023 jyly sot oryndaýshylary bereshekti óteý esebinen 3 jyljymaıtyn múlik, 7 jyljymaly múlik satty, sol arqyly 20 mln.teńgeden astam bereshek óteldi.
Sonymen qatar, 2023 jyly alıment boıynsha áreketsizdigi úshin 8 jeke sot oryndaýshysyna qatysty lısenzıanyń qoldanysynan aıyrý týraly usynys jiberildi, 4 sot oryndaýshysy lısenzıadan aıyryldy, 4-ýi sot qaraýynda.
2023 jyly 27-den astam otbasy qaıta qaýyshyp, alıment tóleý máselesi joıyldy. Sonymen qatar, alıment óndirisin naqty oryndaý jáne boryshkerler men óndirip alýshylar arasynda ymyraǵa kelý úshin sot oryndaýshylary kóbinese medıatorlardyń kómegine júginedi. 2023 jyly 116 bitimgershilik kelisim jasaldy.