Qala dúkenderiniń birinde nan baǵasynyń 590-690 teńgeden satylyp jatqandyǵy jaıly aqparat tarady. Jaǵdaıdyń mán-jaıyn anyqtaý úshin dúken sórelerin bir sholyp shyqtyq, dep habarlaıdy Almaty-akshamy.kz.
Bıyl, shilde aıynyń qorytyndysy boıynsha, nan 8,6% qymbattaǵan. Onyń ishinde qara bıdaıdan jasalǵan nan bir jylda 12,7%, joǵary surypty unnan jasalǵan nan 12,4%-ǵa, birinshi surypty unnan jasalǵan bıdaı nany 5,8%-ǵa qymbattaǵan.
– Nan baǵasy aı saıyn 5-10 teńgeden ósip jatyr. Al jalaqymyz báz-baıaǵysha. Keshe qaladaǵy dúkenderdiń birine azyq-túlik alý úshin kirgen edim. Sórelerde 500 teńgeden, 980 teńgeden turǵan nandy kórdim. Bul jaǵdaıdy eleýsiz qaldyrmaı, áleýmettik jelilerge jarıaladym. Biz bıdaı ósirip, un óndiretin elmiz. Nelikten baǵa qymbat? Baǵa barlyq qalalarda birdeı – 100 teńgeniń aınalasynda bolýy qajet dep oılaımyn, – deıdi qala turǵyny.
2023 jyldyń mamyr aıynyń sońynda un baǵasy, 2022 jyldyń mamyrymen salystyrǵanda, 16,2%-ǵa qymbattady. Ótken jyly aılyq ósim 6,8%, jyldyq ósim 29,9%-dy quraǵan.
Osy rette, nan ónimderiniń baǵasyna toqtala ketsek.
«Bólke» nany 180 teńge
«Qara» nany 250 teńge
«Baget» nany 350 teńge
Tilme baton 380teńge
Tandyr nan 280-350 teńge