Irakta esirtkige áýestenýshiler kóbeıýi múmkin
Irakta alkogóldik ishimdikterge tyıym salý týraly 2016 jyly qabyldanǵan zań kúshine endi. Onyń nelikten kesh qoldanyla bastaǵany belgisiz, dep habarlaıdy Almaty-akshamy.kz.
Keıbir pikirlerge saı, jeti jyl burynǵymen salystyrǵanda, qazir ıslam partıalarynyń yqpaly artqan. Sondyqtan, zań endi ǵana áreket ete bastady.
Qujatqa sáıkes, ımporttyq alkogól ónimderine tyıym salynady, olardy jergilikti naryqta satýǵa nemese otandyq ónimmen almastyrýǵa bolmaıdy, dep jazady qazaqstan.tv.
Jańa zańdy halyq jappaı qoldap otyrǵan joq. Tipti birqatar turǵyndar osynyń saldarynan Irakta esirtkige áýestenýshiler kóbeıýi múmkin dep alańdaıdy.
«Irak – kóp mádenıetti, erkin el. Ekinshi jaǵynan, alkogóldi satýǵa jáne ishýge tyıym salý adamdardy balama ádisterdi izdeýge májbúrleıtinin bári biledi, sonyń ishinde bılik basyndaǵylar da budan habardar. Dálirek aıtsaq, adamdar qaıtadan esirtkige nemese marıhýanaǵa júginýi múmkin. Bul – osy zańnyń jaǵymsyz saldarlary», - dedi Baǵdad turǵyny Álı Ás-Saheb.