Almatyda kóshpeli bultty, keı ýaqytta jańbyr, keshke qatty jańbyr jaýyp, naızaǵaı kútiledi
Sınoptıkter elimiz boıynsha 2023 jylǵy 8 naýryzǵa arnalǵan aýa raıy boljamyn usyndy, dep habarlaıdy Almaty-akshamy.kz.
"Qazgıdromet" RMK usynǵan málimet boıynsha, el aýmaǵynyń basym bóligi áli de Kaspı teńizi aýdanynan kelgen sıklonynyń yqpalynda bolady, osyǵan baılanysty respýblıkanyń basym bóliginde jaýyn-shashyn bolady.
Qazaqstannyń soltústiginde, shyǵysynda qatty jaýyn-shashyn (jańbyr, qar), ońtústiginde, ońtústik-shyǵysynda kúndiz qatty jańbyr jaýady. Tek elimizdiń batysy ǵana antısıklon jotalary áserinen jaýyn-shashynsyz aýa raıy boljandy.
Respýblıka boıynsha jel kúsheıip, elimizdiń soltústik jartysynda, shyǵysynda, ortalyǵynda jaıaý burqasyn soǵady, ońtústiginde naızaǵaı oınaıdy.
Sondaı-aq tuman jáne kóktaıǵaq kútiledi.
Soltústik Qazaqstan oblysynyń ońtústiginde túnde qatty qar jaýady, Shyǵys Qazaqstan oblysynyń soltústiginde, shyǵysynda, Abaı oblysynyń soltústiginde, túnde Pavlodar oblysynyń batysynda, soltústiginde jaýyn-shashyn (jańbyr, qar) kútiledi, kúndiz Almaty oblysynyń ońtústiginde, taýly aýdandarynda, Túrkistan oblysynyń soltústiginde, ońtústiginde, taý jáne taý bókterli aýdandarynda, Jambyl oblysynyń soltústiginde, batysynda, ońtústiginde, taýly aýdandarynda qatty jańbyr bolady.
Pavlodar oblysynyń ońtústiginde, batysynda, Abaı oblysynyń ortalyǵynda, túnde Aqmola, Qaraǵandy, Shyǵys Qazaqstan oblystarynyń soltústiginde, shyǵysynda, Túrkistan oblysynyń taý asýlarynda óte qatty jel 30 m/s kútiledi.
Astana qalasy: kóshpeli bultty, túnde jáne tańerteń jaýyn-shashyn (kóbinese qar) jaýady, jaıaý burqasyn kútiledi. Kóktaıǵaq kútiledi. Soltústik-batystan, batystan jel soǵady, kúshi 9-14, túnde jáne tańerteń ekpini 15-20 m/s. Aýanyń temperatýrasy túnde jáne kúndiz -2-4°S bolady.
Almaty qalasy: kóshpeli bultty, keı ýaqytta jańbyr, keshke qatty jańbyr jaýyp, naızaǵaı kútiledi. Ońtústik-shyǵystan jel soǵady, kúshi 3-8, ekpini 15-20 m/s. Aýanyń temperatýrasy túnde +8+10°S, kúndiz +18+20°S bolady.
Shymkent qalasy: kóshpeli bultty, jańbyr, kúndiz keı ýaqytta qatty jańbyr jaýady. Ońtústik-batystan soǵatyn jel soltústik-shyǵysqa aýysady, kúshi 8-13, túnde ekpini 15-20, keı ýaqytta 25 m/s. Aýanyń temperatýrasy túnde jáne kúndiz +13+15°S bolady.