Tıisti qaýly jobasyn Qarjylyq retteý jáne damý agenttigi ázirlegen.
Qazaqstanda nesıe, onyń ishinde ıpotekalyq nesıe berý talaptary qatańdatylmaq, dep habarlaıdy aqshamnews.kz
Jańa erejelerge sáıkes, bankter belgili bir belgilerge qaraı klıentti joǵary táýekeldi qaryz alýshy retinde baǵalaıtyn bolady. Eger tómendegi eki nemese odan da kóp faktor anyqtalsa, klıent táýekeli joǵary dep tanylady:
Nesıe tarıhynyń merzimi 3 jyldan kem bolsa;
Sońǵy 1 jyl ishinde 30 kúnnen asa 3 AEK-ten kóp qaryzdy keshiktirse;
3 jáne odan da kóp bank nemese mıkroqarjy uıymdarynda ótelmegen nesıeleri bolsa;
Aı saıynǵy tabysynyń 45%-dan astamy qaryzdy tóleýge jumsalsa;
Qaryz tarıhynda teris aqparat bolsa;
Turaqty tabys kózi rastalmasa.
Eger qaryz alýshy táýekeli joǵary dep tanylsa, bank onyń qaryzyn qaıtarý múmkindigin aldyn ala baǵalaıdy. Eger bul táýekel deńgeıi bastapqyda 5%-dan joǵary bolyp, keıin taǵy 5 paıyzdyq tarmaqqa ósse, bank qaryz alýshyǵa qatysty baqylaý men monıtorıńti kúsheıtedi.
Joba ázirge qoǵamdyq talqylaýǵa usynylǵan. Eger maquldansa, bul talaptar ıpotekalyq nesıelerge de qatysty qoldanylady.