7 myń ata-ana balasyna vaksına saldyrýdan bas tartty.
Qazaqstanda balasyna vaksına saldyrýdan bas tartatyn ata-analardyń sany jyl saıyn artyp keledi, dep habarlaıdy aqshamnews.kz
2025 jyldyń alǵashqy toqsanynda ǵana 7 myńǵa jýyq ata-ana ekpeden bas tartqan. Bul týraly QR Densaýlyq saqtaý mınıstrligi Sanıtarıalyq-epıdemıologıalyq baqylaý komıtetiniń vaksınamen basqarylatyn ınfeksıalardy baqylaý basqarmasynyń basshysy Nurshaı Ázimbaeva málimdedi.
Onyń aıtýynsha, sońǵy jyldary elimizde, álemniń kóptegen elderi sıaqty, qyzylsha men kókjótel aýrýlary kóbeıip keledi. Bul jaǵdaı, ásirese, josparly ekpe almaǵan balalar arasynda jıi tirkelýde.
"Qyzylsha juqtyrǵandardyń 75 paıyzdan astamy, kókjótelge shaldyqqandardyń 87 paıyzy – vaksına saldyrmaǵandar. Bul derekter ımmýndaýdyń ınfeksıanyń aldyn alýdaǵy mańyzyn aıqyn kórsetip otyr. Degenmen, vaksınalaýdan bas tartýshylardyń sany ósýde. Jyl basynan beri 7 myń ata-ana ekpeden bas tartqan", – dedi Nurshaı Ázimbaeva.
Mamannyń sózinshe, mundaı úrdis eldegi epıdemıologıalyq ahýalǵa, ásirese, qyzylsha men kókjótel boıynsha, tikeleı áser etip otyr. Sondyqtan ımmýndaýdyń mańyzdylyǵyn túsindirý sharalary jalǵasyn tabýy tıis.