Qyrǵyz Respýblıkasy Mınıstrler kabıneti tóraǵasynyń birinshi orynbasary Adylbek Qasymalıev «Digital Almaty: Industry X» halyqaralyq forýmynda iPhone ıeleri nelikten jer silkinisi týraly eskertý almaǵanyn túsindirdi, dep habarlaıdy almaty-akshamy.kz.
Adylbek Qasymalıevtyń sózinshe, Qyrǵyzstannyń ekonomıkalyq belsendi halqynyń 80 paıyzy sıfrlyq qujattarmen qamtamasyz etilgen.
«Jaqynda bolǵan jer silkinisi kezinde telefon alyp kóshege shyqqan kóptegen azamattarymyzǵa qajetti qujattary túgeldeı qamtamasyz etildi. Bul kútpegen jerden tabıǵı apattardan saqtandyrýdyń bir túrine aınaldy. Bir qyzyǵy, Android smartfondarynda jer silkinisi týraly eskertý oqıǵadan bir mınýt buryn kelgen. Osy ýaqyt adamdardyń dalaǵa qashyp shyǵýyna jetkilikti boldy. Nelikten iPhone telefondaryna habarlandyrý kelmedi? Mende de iPhone. Biz ony anyqtadyq. Apple bizdiń elderdi apatty eskertý qyzmetine qoljetimdi elder tizimine qospaǵany belgili boldy. Bul qarapaıym fýnksıa sıaqty kórinedi, biraq ol adamdardyń ómirin saqtap qalýy múmkin», - dedi Adylbek Qasymalıev.
Ol EAEO elderine eń aldymen Apple, Google jáne Microsoft sıaqty tehnologıalyq kompanıalarmen dıalog qajet ekenin aıtty.
Onyń pikirinshe, tehnologıalyq kompanıalar memleketter men úkimetterdiń seriktesteri bolýy kerek jáne ortaq ıgilikke jumys istegenderi jón.