Smartfonnyń tórt úlgisi shyǵady.
Haitong Internation analıtıkteriniń málimetterine qaraǵanda, Apple kompanıasy jańa úlgilerdi 23 qyrkúıekte tanystyrady, dep habarlaıdy Almaty-akshamy.kz
Basqa nusqada smartfon 10 kún buryn tanystyrylady delingen, sebebi AQSH-ta uıaly operatorlar qyzmetkerleriniń osy kúnderi demalys almaýyn surap jatyr.
Smartfonnyń tórt úlgisi shyǵady: iPhone 15, iPhone 15 Plus, iPhone 15 Pro jáne jańa iPhone 15 Ultra.
iPhone 15 Ultra Pro Max úlgisin almastyrýy múmkin. Insaıderlik aqparat boıynsha, úlgiler jasyl, ashyq sary jáne alqyzyl úsh túste usynylady.
Insaıderlik aqparat boıynsha, jańa telefondar prosesorlarymen erekshelenedi: Pro túrlerinde 3-nanometrlik Apple A17, al bazalyq túrlerinde - byltyrǵy A16 bolady.
Sondaı-aq jańa iPhone Lightning-ten USB-C-ke qosyla alatyn bolady. Bul 2024 jyly kúshine enetin ES jańa zańdaryna sáıkes bolmaq.
iPhone 15 telefonynyń baǵasy jaıly da sybystar kóp. Forbes basylymynyń aıtýynsha, olardyń baǵasy birshama ósedi. Analıtık Tım Long iPhone 15 Pro jáne iPhone 15 Pro Max (Ultra) baǵalary sáıkesinshe 100 jáne 200 dollarǵa ósetinin aıtty.
Jańa telefondardyń baǵasy mynadaı bolýy múmkin:
iPhone 15: 358 391 teńgeden joǵary;
iPhone 15 Plus: 403 246 teńgeden joǵary;
iPhone 15 Pro: 492 956 teńgeden joǵary;
iPhone 15 Pro Max (Ultra): 582 666 teńgeden joǵary.