Bul týraly Energetıka vıse-mınıstri Asqat Hasenov málimdedi.
Balamaly salyq Qazaqstanda taýsylyp jatqan ken oryndaryn ıgerip jatqan ınvestorlar úshin engizilýi múmkin, dep habarlaıdy Almaty-akshamy.kz
Onyń aıtýynsha, ıgerýdiń kesh kezeńderindegi ken oryndaryna ınvestısıa salý úshin 2023 jyly "Jer qoınaýy jáne jer qoınaýyn paıdalaný týraly" QR Kodeksinde "sarqylatyn ken oryndary" uǵymy, olardyń krıterııleri jáne ınvestordyń qarsy mindettemeleri engizildi.
"Aǵymdaǵy jyly osyndaı ken oryndaryn (307 munaı ken ornynan 24) jer qoınaýyn paıdalanýshylarǵa balama salyqty qoldaný úshin salyq kodeksine túzetýler kútilýde. Bul reformany tolyq iske asyrý geologıalyq barlaýǵa jyl saıyn 200 mlrd teńgege deıin ınvestısıa salýǵa, 2045 jylǵa deıin munaı óndirýdi +60 mln tonnaǵa ulǵaıtýǵa jáne aǵymdaǵy jumys oryndaryn saqtaýǵa serpin beredi", dedi Asqat Hasenov.
Bıylǵy 7 aqpanda Úkimettiń keńeıtilgen otyrysynda Memleket Basshysy Qazaqstannyń jańa salyq kodeksiniń jobasyn synǵa aldy. Onyń aıtýynsha, jańa salyq kodeksi ınvestorlar úshin qolaıly jaǵdaı jasaý men búdjetke túsetin túsimderdiń qajetti deńgeıin ustap turý arasyndaǵy aqylǵa qonymdy teńgerimdi qamtamasyz etýi tıis.