QR İİM Krımınaldyq polısıa departamenti bastyǵynyń orynbasary Qanat Nurmaǵambetov ınternet-alaıaqtyqtyń keń taraǵan túrlerin atady, dep habarlaıdy almaty-akshamy.kz QazAqparatqa silteme jasap.
«Internet-alaıaqtyq jasaýdyń eń kóp taraǵan túrleri mynadaı: jarnama arqyly taýarǵa nemese qyzmetke aldyn ala tólem alý. Oǵan ınternet-alaıaqtyqtyń jartysy tıesili. Ekinshisi - shaǵyn nesıe uıymdarynyń saıttarynda onlaın-zaım rásimdeý. Jyl basynan mundaı shamamen 3 myń qylmys jasaldy. Úshinshisi - azamattardyń jeke málimetterin alǵannan keıin banktik esepshottarynan aqsha qarajattaryn urlaý», - dedi ol İİM baspasóz alańynda ótken brıfıńide.
Onyń atap ótýinshe, kóp jaǵdaıda alaıaq jalǵan nómirler arqyly qońyraý shalyp, ózin bank qyzmetkeri retinde tanystyrady.
«Birqatar jaǵdaıda zardap shegýshiler «fıshıngilik» ınternet-resýrstarǵa ózderiniń málimetterin erikti túrde engizgen. 2 myńǵa jýyq alaıaqtyq túrli jobalarǵa, oıyndarǵa, ınvestısıalarǵa báske tıimdi aqsha tigý jeleýimen jasalǵan», - dedi Qanat Nurmaǵambetov.