Almaty qalasynda 21-22 jeltoqsanda «Techcup-2022» Almaty qalasy ákiminiń kýbogyna robototehnıka jáne ınovasıalyq tehnologıalar boıynsha VII ashyq chempıonat ótedi, dep habarlaıdy Almaty-akshamy.kz.
Chempıonattyń maqsaty – balalar men jastardyń ınovasıalar men ınjenerlik ázirlemeler salasyna qyzyǵýshylyǵyn yntalandyrý, İT-quzyrettilikterin damytý jáne tanymal etý, balalar men jastar arasynda talanttardy anyqtaý jáne qoldaý.
Chempıonatqa Qazaqstan Respýblıkasynyń barlyq óńirlerinen 7 jastan 22 jasqa deıingi ártúrli jas toptarynda 700-den astam komanda qatysady.
Chempıonat kelesi baǵyttar boıynsha ótedi: ınjenerlik jobalar; baǵdarlamalaý; İT-degi bıznes; 3D-modeldeý; robottar jarysy (VEX, sýmo, jeli, kegelrıng). TechCup mektep oqýshylaryn, kolejder men joǵary oqý oryndarynyń stýdentterin, kásipkerlerdi, ata-analardy, sondaı-aq bilim berý ıdeıalary men jobalarynyń avtorlaryn biriktiredi.
Chempıonattyń jalpy júlde qory 4 mln teńgeden asady. Sonymen qatar respýblıkanyń birqatar jetekshi joǵary oqý oryndary chempıonat jeńimpazdary (mektep túlekteri) úshin 2023 jylǵa arnalǵan 15 bilim grantyn bóledi.
Chempıonat Almaty qalasy, "Nurkent" shaǵynaýdany, 7 mekenjaıy boıynsha «Almaty Arena» MS bazasynda ótedi.