Pavlodar oblysynda ótken kezdesýde AES salýdy qoldaý jónindegi halyqtyq shtab músheleri jastarmen jáne sarapshylar qaýymdastyǵymen kezdesti, dep habarlaıdy aqshamnews.kz
Senat Tóraǵasy Máýlen Áshimbaev jastardy qoldaý memlekettik saıasattyń basym baǵyttarynyń biri ekenin atap ótti. Ol el bolashaǵyna áser etetin mańyzdy máselelerdi qamtıtyn aldaǵy referendýmǵa jastardyń belsendi qatysýy erekshe ról atqaratynyn aıtty.
Sarapshylar qaýymdastyǵymen kezdesý barysynda AES salý jobasynyń el damýy úshin sheshýshi mánge ıe ekeni talqylandy. Máýlen Áshimbaev Qazaqstannyń energetıkalyq qaýipsizdigin nyǵaıtý jáne ımporttyq elektr energıasyna táýeldilikti azaıtý úshin atom elektr stansasynyń mańyzdylyǵyna toqtalyp, bul joba myńdaǵan jańa jumys oryndaryn ashyp, ınovasıa men ǵylymǵa negizdelgen ekonomıkany damytýǵa serpin beretinin atap ótti.