Qazaqstan Respýblıkasy Parlamenti Senatynyń depýtattary Serik Óteshov pen Sergeı Ershov Saran qalasyndaǵy «Galex Plus» tigin-trıkotaj fabrıkasynyń jáne «Silk Road Electronics» kásiporyndarynyń eńbek ujymdarymen kezdesý ótkizdi.
Sonymen qatar, olar «Qaraǵandy Sý» JSHS qyzmetkerlerimen de kezdesý uıymdastyryp, aımaqtyń energetıkalyq qaýipsizdigi men aldaǵy referendýmnyń mańyzyn talqylady.
Kezdesýler barysynda Serik Óteshov Qaraǵandy oblysyndaǵy elektr energıasynyń tapshylyǵy jáne atom elektr stansıasynyń bul máseleni sheshýdegi róli týraly aıtty. AES qurylysy eldiń jańa energetıkalyq keleshegin qamtamasyz etýde mańyzdy qadam bolatynyn erekshe atap ótti.