3 jeltoqsan – Halyqaralyq múgedekter kúni. 1992 jyly BUU Bas Assambleıasynyń qararymen múmkindigi shekteýli jandardy qorǵaý maqsatynda osy kún bekitilgen edi. Osylaısha álemdik deńgeıde múmkindigi shekteýli jandardy qoǵamǵa áleýmettenýine, olarǵa jaǵdaı jasaý sıaqty máselelerge basa nazar aýdardy.
Jahandyq bastamany Qazaqstan da qoldaıdy. Inklúzıvti qoǵam qurý jolynda Almaty qalasynyń tájirıbesi kópshilikke úlgi bolmaq.
Osy baǵytta qalamyzda atqarylyp jatqan sharalar týraly Almaty qalasy Jumyspen qamtý jáne áleýmettik baǵdarlamalar basqarmasynyń basshysy Baýyrjan Jaýbasov óz sózinde atap ótti.
Onyń sózinshe Almatyda 56 myń múmkindigi shekteýli azamat bar. Olardyń 700-den astamy túrli salada jumys isteıdi. Bıyl olardy qoldaý maqsatynda Almaty qalasy ákimi Erbolat Dosaevtyń bastamasymen ınvataksı jobasy, qalamyzdaǵy búkil nysandardy múmkindigi shekteýli jandarǵa qolaıly jaǵdaı jasaýy úshin pasporttaý jobasy júzege asa bastady.
Bizdiń qoǵamdaǵy eń úlken máselerdiń biri arbada otyrǵan adamdardyń úıinen shyǵa almaýy. Ár úıde 6 baspaldaq bar. Arbaǵa tańylǵan jandar úshin emin-erkin úıden shyǵa almaıdy. Shetelmen salystyrǵanda olarda kedergi degen uǵym joq.
Ol jerde áleýmettik másele jaqsy qaralǵan. Bizdiń bolashaqta salynyp jatqan úılerdiń bárinde múmkindigi shekteýli jandarǵa barsha múmkindik qarastyrylyp jatyr. Búgingi kótergen taqyryp óte kóp. Jınalys sońynda osy máselelerdi qabyldaımyz, — deıdi Almaty múgedekter qoǵamy tóraǵasynyń orynbasary Ulan İńkárbekov.
Bul Forým burynǵydan ózgerek sebebi:
-TED konferensıa
-Town Hall
-Netvorkıng syndy úsh bólimdi qurady. Alǵashqy bólimde múmkindikter qoǵamyn qurý máselelerimen aınalysatyn memlekettik, respýblıkalyq jáne halyqaralyq uıymdardyń spıkerleri men sarapshylary óz tájirıbesimen bólisti.
Bul áleýmettik jobanyń azdaǵan ereksheligi bar. Az qamtamasyz etilgen otbasylardyń balalary osy klýbqa kelip tálim-tárbıe alady. Bul forýmda qoıylǵan, kórsetilgen quraldardyń barlyǵy múmkindigi shekteýli jandarǵa arnalǵan. Biz ol kisilerdi jumysqa tartamyz. Biraq kóbinese biz balalarmen jumys isteımiz, — deıdi Raısa Musabekqyzy.
Inklúzıvti qoǵam quryp jatyrmyz, ınklúzıvti ekonomıka quryp jatyrmyz. Inklúzıvti ınfrastrýktýra quryp jatyrmyz. Qoǵam ár adam óziniń kózqarasyn ózgertse onda múgedektigi bar adamdar eshqandaı óziniń shekteýin sezinbeıdi. Bizben qatar qoǵamda ómir súredi jumys isteıdi. Qoǵamda belsendi bolady. Múmkindikter forýmy degen forýmnyń basty maqsaty osy,- deıdi qalalyq jumyspen qamtý jáne áleýmettik baǵdarlamalar basqarmasynyń basshysy Baýyrjan Jaýbasov.
Sharaǵa otandyq jáne shet eldik úkimettik emes uıym ókilderimen qatar memlekettik sektor ókilderi qatysty. Parlament Senatynyń depýtaty Lázzat Qaltaevanyń sózinshe múmkindigi shekteýli jandardy qoldaý maqsatynda birneshe baǵytta zań jobalary qabyldandy.
(derekkóz