Bakýda Qazaqstannyń Ázerbaıjandaǵy mádenıet kúnderi tabysty ótti. Qazaq-ázerbaıjan qarym-qatynastaryn nyǵaıtý maqsatynda ózara mádenı kúnderdi ótkizý týraly tapsyrmany bıyl Memleket basshylary Qasym-Jomart Toqaev pen Ilham Álıev bergen bolatyn.
İs-sharalarǵa Qazaqstan Respýblıkasynyń Mádenıet jáne aqparat mınıstri Aıda Balaeva men Qazaqstannyń Ázerbaıjandaǵy Elshisi Álim Baıel qatysty.
Mádenıet kúnderi aıasynda «Hassaq» etno-folklorlyq tobynyń jeke konserti men Ǵ. Músirepov atyndaǵy Qazaq memlekettik akademıalyq teatry qoıǵan «Qarakóz» spektakliniń kórsetilimi uıymdastyryldy.
Qorytyndy mádenı sharalar 2023 jyldyń 4 jeltoqsanynda Geıdar Álıev ortalyǵynda ótti. Munda Qazaqstannyń beıneleý óneriniń kórmesi ashyldy, onda ártúrli janrlar men stılderde jumys isteıtin qazaqstandyq jas sýretshilerdiń 46 biregeı jumystarynyń ekspozıs
ıasy usynyldy.
Mınıstr A.Balaeva kórmeniń eki halyqtyń mádenı jańǵyrýynyń kórinisi ekenin atap ótti. Kórmede keskindeme, grafıka, kesteleý, sándik-qoldanbaly óner sıaqty beıneleý óneriniń dástúrli túrlerimen qatar jańa túrleri – ınstallásıalar men art-nysandar qoıyldy.
Óz týyndylaryn kórmege qoıǵan sýretshilerdiń qatarynda Ásel Sabyrjanqyzy da boldy. Jas sýretshi erekshe kilemge sýret salý tehnıkasyn qoldanady. Sonyń ishinde túrki tarıhynan 14 áıel beınesin jasaǵan. Ol Ázerbaıjan kilem murajaıyn aralap, kórgeninen shabyttanyp, kórnekti aqyn Hýrshıdbaný Natavannyń portretin saldy. Portret Ázerbaıjan Májilisiniń tóraıymyna tabys etildi.
Mádenıet kúnderi Qazaqstan óner sheberleriniń saltanatty gala-konsertimen aıaqtaldy. Sharaǵa Ázerbaıjan Parlamentiniń Tóraıymy Sahıba Gafarova, Mınıstrler, Kavkaz musylmandary basqarmasynyń tóraǵasy, depýtattar, shet memleketterdiń Elshileri, halyqaralyq uıymdardyń basshylary, kóptegen kórnekti mádenıet, ǵylym jáne óner qaıratkerleri qatysty.
Quttyqtaý sózinde QR Mádenıet jáne aqparat mınıstri Ázerbaıjannyń Qazaqstan úshin tatý kórshi, adal dos jáne baýyrlas el ekenin aıtyp, túrki álemin birge damytyp kele jatqanymyzǵa nazar aýdardy. Aıda Balaeva Ázerbaıjannyń Mádenıet mınıstri Ádil Kerımlıge jáne Qazaqstannyń Ázerbaıjandaǵy Elshisi Álim Baıelge, sondaı-aq olardyń ujymdaryna Mádenıet kúnderin joǵary deńgeıde ótkizýge jan-jaqty qoldaý kórsetkenderi úshin shynaıy alǵysyn bildirdi.
Gala-konsertte Qazaqstannyń halyq ártisi Roza Rymbaeva, «Qurmet» ordeniniń ıegeri Zarına Altynbaeva, Qazaqstannyń eńbek sińirgen qaıratkerleri Álisher Kárimov, Medet Chotabaev, Áıgerim Beketaeva, «Saltanat» memlekettik bı ansambli, «IL Canto», «Vıola», «T&Y» uıymdary Fıkret Ámirov atyndaǵy Ázerbaıjan memlekettik án-bı ansambli, «Ulytaý» toby jáne «Sazgen sazy» ansambli óner kórsetti. Ázerbaıjan jurtshylyǵy konsertke tánti boldy.
Mádenıet kúnderi aıasynda resmı kezdesýler de ótti. Ázerbaıjan Prezıdentiniń kómekshisi Hıkmet Gadjıevpen kezdesýde mádenıet jáne aqparat salasyndaǵy ekijaqty yntymaqtastyqtyń keleshegi talqylandy.
«Ázerbaıjan úshin Qazaqstanmen strategıalyq qarym-qatynastar basymdyqqa ıe. Bizdi Qazaqstannyń kınematografıalyq tájirıbesi erekshe qyzyqtyrady. Sizderde anımasıa jaqsy damyǵan», - dedi H.Gadjıev kezdesý barysynda. A.Balaeva bul baǵytta qoldaý kórsetýge ýáde berdi. Sháken Aımanov atyndaǵy «Qazaqfılm» Ulttyq kınostýdıasynyń muraǵaty, anımasıalyq fılmder men «Balapan» balalar arnasynyń kontenti Ázerbaıjanǵa beriletin bolady.
Mınıstr, sondaı-aq, H.Gadjıevtiń jalǵan aqparatpen kúresý boıynsha halyqaralyq medıa-forým ótkizý týraly bastamasyn qoldady. Taraptar Ázerbaıjandaǵy kabeldik operatorlar jelilerinde qazaqstandyq «Balapan», «Habar 24», «Qazaqstan» telearnalaryn kórsetý jáne ázerbaıjandyq CBC TV telearnasyn Qazaqstanda taratý máselelerin talqylady.
Aıda Balaeva Ázerbaıjannyń Mádenıet mınıstri Ádil Kerımlımen de kezdesti. «Bizdiń elderimiz mádenıet salasyndaǵy ózara tıimdi yntymaqtastyqty tabysty damytýda. Biz anımasıalyq fılmder túsirý, ǵylymı jobalardy júrgizý, ǵylymı týrızmdi, mádenı volonterlik, kitap shyǵarýdy damytý jumystaryn kúsheıtýge, atap aıtqanda, kórkem ádebıetti qazaq tilinen ázerbaıjan tiline, ázerbaıjan tilinen qazaq tiline aýdarý, ázerbaıjandyq sheberlerdiń qatysýymen jas sýretshilerimizge sheberlik sabaqtaryn ótkizýge múddelimiz», - dedi A.Balaeva kezdesýde.
Óz kezeginde Ádil Kerımlı áriptesine ázerbaıjandyq kórermender úshin daıyndaǵan baı mádenı baǵdarlama úshin alǵysyn bildirdi. Taraptar mádenıet, muraǵat isi, aqparat, volonterlik jáne jastar saıasaty salalaryndaǵy yntymaqtastyqty qamtıtyn Jol kartasyn talqylady.
Kavkaz musylmandary basqarmasynyń tóraǵasy Allahshúkúr Pashazademen kezdesýde rýhanı yntymaqtastyq máseleleri talqylandy. Jıynǵa Dinı uıymdarmen jumys jónindegi memlekettik komıtettiń tóraǵasy Mýbarız Gýrbanly, Ázerbaıjan Parlamentiniń vıse-spıkeri Fazaıl Ibrahımlı, sondaı-aq depýtattar, zıaly qaýym jáne túrli dinı konfesıa ókilderi qatysty.
A.Balaeva jınalǵandarǵa Prezıdent Toqaevtyń basshylyǵymen Qazaqstanda bolyp jatqan ózgerister týraly aıtyp, Qazaqstan men Ázerbaıjannyń barlyq salalardaǵy jemisti yntymaqtastyǵy jalǵasa beretinine senim bildirdi.
Óz kezeginde Sheıh Pashazade Álemdik jáne dástúrli dinder lıderleri seziniń mańyzdylyǵyna toqtaldy. Ol óziniń Sezge turaqty qatysýshy ekenin jáne Qazaqstanǵa árdaıym úlken qýanyshpen keletinin atap ótti. Pashazade Astanadaǵy Sıezi din, memlekettik jáne qoǵam qaıratkerleriniń basyn qosatyn erekshe dıalog alańy retinde atap ótti.
İs-sharalar aıasynda Ázerbaıjannyń Jastar jáne sport mınıstri Farıd Gaıbovpen de kezdesý ótti. Taraptar jastar saıasaty salasyndaǵy yntymaqtastyq perspektıvalaryn talqylady.
2024 jyly Ázerbaıjannyń Qazaqstandaǵy mádenıet kúnderi ótedid ep josparlanýda.