Urynyń úsheýi de áıel.
Almatyda qalta urylary ustaldy, – dep habarlaıdy Almaty-akshamy.kz Polisia.kz-ke silteme jasap.
Almaty polısıasynyń qyzmetkerleri qalta urlyǵymen aınalysqan úsh áıeldi ustady.
«Qalalyq qoǵamdyq kólikterde Jambyl jáne Almaty oblystarynyń turǵyndary urlyq jasap júrgen. Kóbinese Raıymbek dańǵylymen júretin marshrýttardy paıdalanǵan. Osyndaı saıahattardyń biri qoǵamdyq kólik ishinde ornatylǵan beınekameraǵa túsip qalǵan. Ustalǵandardyń biri – 37 jastaǵy J.esimdi azamatsha. Ol polısıada ury retinde tirkelgen. Iá, buryn da osyǵan uqsas qylmystar jasaǵany úshin sotty bolǵan. Qylmystyń sybaılastary 37 jastaǵy jáne 36 jastaǵy zańdy birinshi ret buzyp turǵan joq. Qazirgi ýaqytta sotqa deıingi tergeý amaldary júrgizilýde. Kúdiktiler qamaýǵa alyndy. Sonymen qatar ustalǵan adamdardyń basqa da qylmystarǵa qatysy bar-joǵyn anyqtap jatyrmyz», – dedi Almaty qalalyq PD Krımınaldyq polısıa Basqarmasynyń bastyǵy Qýatbek Naýatov.
Onyń aıtýynsha, kúdiktiler Naýryzbaı aýdandyq Polısıa basqarmasy jedel ýákilderiniń kómegimen ustaldy. Osy derek boıynsha sotqa deıingi tergeýdiń biryńǵaı tizilimine QR QK-niń 188-babymen qylmystyq is tirkeldi.