Almaty qalasy Alataý aýdany ákiminiń orynbasary Ertis Besirov Óńirlik komýnıkasıalar qyzmetiniń brıfıńinde aýdan aýmaǵynda qandaı kásiporyndardyń ashylǵany jáne 2022 jyly qandaı kásiporyndardyń ashylatyny týraly aıtyp berdi, dep habarlaıdy Almaty-akshamy.kz Almaty qalasynyń Óńirlik komýnıkasıalar qyzmetine silteme jasap.
2022 jyldyń 6 aıynda Alataý aýdany boıynsha memlekettik búdjetke 35,4 mlrd teńge tústi, onyń ishinde respýblıkalyq búdjetke – 17,4 mlrd teńge, jergilikti búdjetke – 17,9 mlrd teńge. Negizgi kapıtalǵa salynǵan ınvestısıalar 52,4 mlrd teńgeni qurady. Jyl basynan beri 3 516 jumys orny quryldy.
«Indýstrıalyq aımaq aýdannyń basty ónerkásiptik áleýet bolyp tabylady. Búginde jalpy somasy 114,7 mlrd teńgeni quraıtyn 2688 jumys ornyn qurý arqyly 19 joba iske asyryldy, 519,1 mlrd teńgege ónim óndirildi», - dep habarlady E. Besirov.
Kásiporyndar tiziminde «BRB APK», «Almapack», «DOC Co.LTD», «TOKYO ROPE ALMATY», «KMK Investment», «KazTigerTape», «ENKO», «ASSET», «Tehnovıd», «MPZ Bıjan», «DorHan-Almaty», «Almerek», «Hyundai Trans Kazakhstan», «SK Rahat» «G.S.G. Vysotnık», «KMK Investment vtoroı etap» , «Asia steel pipe corporation», jáne 3 óndiristip park «ADS Industries», «KazStroyTrade», «ALAESTATE».
2022 jyldyń sońyna deıin 276 jumys ornyn qurýmen jalpy somasy 10,1 mlrd teńgege taǵy 6 jobany iske asyrý josparlanýda: «Kaz-Dıa-Test», «City Stone», «Elektrobar», «Valtherm», «Story Production», «TEPLOSTIL».
Taǵy da bir basty perspektıvalyq jobalardyń biri - ónerkásiptik parkterdi damytý bolyp tabylady. Bıylǵy jyly 370-ten astam jumys ornyn qurýmen, 15 480 sh.m. quraıtyn óndiristik úı-jaılardy paıdalanýǵa berýmen 3 ónerkásiptik parkterdi (ALAESTATE-2, «Qazaq Plast» JSHS, «Alatau Industrial Park», sondaı-aq ADS Industries-tiń 2-shi kezeńi) iske qosý josparlanýda.