Búgingi kúni jalpy somasy 428,8 mln teńgeni quraıtyn ataýly áleýmettik kómekti 1578 otbasy alady, 7,1 mln teńge kólemindegi turǵyn úı kómegin 279 otbasy aldy. Bul týraly Óńirlik komýnıkasıalar qyzmetiniń brıfıńinde Almaty qalasy Alataý aýdany ákiminiń orynbasary Ertis Besirov aıtty, dep habarlaıdy Almaty-akshamy.kz Almaty qalasynyń Óńirlik komýnıkasıalar qyzmetine silteme jasap.
«2021-2025 jj. arnalǵan kásipkerlikti damytý ulttyq jobasy aıasynda 8010 adam jumysqa ornalastyryldy, onyń ishinde áleýmettik jumys oryndaryna 196 adam, qoǵamdyq jumys oryndaryna 1835 adam, jastar praktıkasyna 159 adam, 400 AEK kóleminde granttar 7 adamǵa jáne turaqty jumys oryndary 1056 adamǵa berildi», - dep atap ótti E. Besirov.
2022 jyldyń basynan «TAU - Shańyraq» qorynyń qoldaýymen 1000-nan astam áleýmettik osal otbasylar, «Unicef» qory tarapynan 55 otbasy azyq-túlik jıyntyǵymen, 50 otbasy túrli kıim-keshek túrlerimen qamtamasyz etildi.
Aýdanda az qamtylǵan jáne kóp balaly otbasylardy qoldaý úshin «Baqytty Otbasy», «Shyńǵa órleý» jáne «Belsendi uzaq ómir» áleýmettik ortalyqtary jáne «Alataý analary», «Analarǵa kómek» jáne «Zeıin» qoǵamdyq qorlary jumys isteıdi.
«Atalǵan ortalyqtar analarǵa, balalarǵa, zeınetkerlerge konsýltatıvti jáne resýrstyq qoldaý kórsetedi, bazalyq trenıńter ótkizedi, jumysqa ornalasýǵa qoldaý kórsetedi. Sonymen qatar, áıelderge tigin isi, kosmetologıalyq qyzmetter, kompúterlik saýattylyq jáne taǵy basqalar oqytylady, al az qamtylǵan otbasylardan shyqqan balalarǵa mýzyka men óner, bı jáne túrli aspaptarda oınaý úıretiledi», - dep habarlady E. Besirov.
Sonymen qatar, Almaty qalasy qurylys basqarmasynyń tapsyrysy boıynsha "Tomırıs" shaǵynaýdanynda belgili bir turǵylyqty jeri joq adamdarǵa arnalǵan áleýmettik kómek pýnktiniń qurylysy júrgizilýde.