Shara otandyq jas talanttardy qoldaý maqsatynda uıymdastyryldy.
Almatyda Qazaqstannyń elektrondy mýzykanttaryna arnalǵan birinshi halyqaralyq onlaın forým ótedi, dep habarlaıdy Almaty-akshamy.kz.
Forýmǵa Qazaqstan, Reseı, Ýkraına, AQSH jáne Eýropanyń mýzykalyq naryǵynyń eń jaqsy spıkerleri: dıdjeıler, dybys prodúserleri, A&R menedjerleri, promoýterler, radıostansıalar men teledıdar ókilderi, shyǵarmashylyq ındýstrıa menedjmentiniń ókilderi, uıymdastyrýshylar jınalady.
Forýmnyń maqsaty - qazaqstandyq elektrondy mýzykanttar men dybys prodúserlerin bir platformaǵa biriktirý jáne búkil álemniń úzdik spıkerleriniń biregeı bilimine qol jetkizý.
Shara Almatyda 25-26 tamyzda 12:00-den 19:00-ge deıin ótedi.
UYA forýmy 2021 kedergilerdi joıady jáne jańadan kelgen mýzykanttarǵa joǵary sapaly bilim men daǵdylardy múldem tegin alýǵa múmkindik beredi.
«Qaýymdastyq jas talanttardy qoldaý úshin qurylǵan. Biz jańa býynnyń mýzyka salasynda qarqyndy damyp kele jatqanyn qamtamasyz etý úshin jumys jasaımyz jáne biz álemdik sahnada Qazaqstannyń jańa esimderi men hıtterin kóbirek kórgimiz keledi », - dep jazady uıymdastyrýshylar.
Forýmnyń arnaıy qonaǵy - dıdjeı jáne dybys prodúseri Imanbek Zeıkenov. Sonymen qatar Qazaqstan, Reseı, Ýkraına, AQSH jáne Eýropa elderiniń spıkerleri (spıkerlerdiń tolyq tizimi @uya.qazaqstan forýmynyń resmı ınstagram akkaýntynda ornalasqan).
UYA forýmy 2021 Qazaqstan Respýblıkasy úkimeti janyndaǵy shyǵarmashylyq ındýstrıany damytý jónindegi jobalyq ofıs pen Almaty qalasy ákimdiginiń qoldaýymen ótedi.