«Úshqońyr» medrese-kolledjinde Almaty oblysy din qyzmetkerleriniń respýblıkalyq kezekti attestasıasy bastaldy, dep habarlaıdy Almaty-akshamy.kz.
Sharany joǵary deńgeıde ótkizý úshin qurylǵan atestattaý komısıasynyń quramynda QMDB tóraǵasynyń orynbasary, naıb múftı Kenjeáli Qońyratbaıuly, Bas múftıdiń keńesshisi Kenjetaı Baıkemeluly, Dinı ońaltý bóliminiń meńgerýshisi Hasan Tashaıuly, Sharıǵat jáne pátýa bóliminiń mamany Baýyrjan Ábdýáli sıaqty din mamandar bar.
Attestasıanyń alǵashqy kezeńi testileý júıesi boıynsha ótip jatyr. Synaq barysynda din qyzmetkerlerine aqıda, fıqh, Islam tarıhy, ákimshilik júıe (zań) taqyryptary boıynsha suraqtar toptastyrylǵan bıletter usynylýda.
Ekinshi kezeńde ımamdar men ustazdar aýyzsha suraq-jaýap boıynsha synaq tapsyrýda. Bul kezeńde din qyzmetkerleri qyraǵat, tájýıd, hadıs, din men dástúr jáne QMDB bekitken koseptýaldy qujattar boıynsha qoıylǵan suraqtarǵa jaýap berip, óz bilimderin ortaǵa salýda.
Bes kúnge sozylatyn respýblıkalyq attestasıaǵa Qonaev qalasy, Balqash, Eńbekshiqazaq, Jambyl, Kegen, Qarasaı, Raıymbek, Talǵar, Uıǵyr, İle aýdandarynda jumys isteıtin 400 den astam din qyzmetkeri qatysady dep kútilýde.