Kúshtik organdardyń 39 qyzmetkeri qylmystyq jaýaptylyqqa tartylady
Bul týraly Bas prokýratýra málimdedi, dep habarlaıdy Almaty-akshamy.kz.
Vedomstvo polısıa ǵımarattary men QAJK mekemelerinde tekserý júrgizý kezinde beınekameralarmen qamtylmaǵan 5812 ýchaske men úı-jaılar jáne 900 jumys istemeı turǵan kamera anyqtaǵan.
«Aýmaqtyq polısıa departamentteriniń, QAJK jáne İİM ortalyq apparatynyń 19 basshysy tártiptik jaýapkershilikke tartyldy. Osy jáne basqa da polısıa qyzmetkerleri arasynda azaptaýdyń aldyn alýdyń máseleleri Bas Prokýrordyń orynbasary Bolat Dembaevtyń qatysýymen İshki ister mınıstrliginde ótken vedomstvoaralyq keńeste talqylandy. Ol qazirgi ýaqytta 88 azamatqa qatysty tergeýdiń ruqsat etilmegen ádisterin qoldanǵany úshin kúshtik organdarynyń 39 qyzmetkeri qylmystyq jaýaptylyqqa tartylatynyn atap ótti», – delingen Bas prokýratýra habarlamasynda.