İle-Balqash memlekettik tabıǵı rezervaty aýmaǵynda tutanǵan dala órtimen kúres jalǵasyp jatyr, dep habarlaıdy Almaty-akshamy.kz Tótenshe jaǵdaılar mınıstrligine silteme jasap.
«Órt sóndirýshiler men jergilikti atqarýshy organdardyń birlesken kúshimen İle-Balqash rezervaty aýmaǵynda oryn alǵan (kishigirim araldarda jáne kirme joldary joq jetýi qıyn batpaqty jerlerde) órttiń taralý aýmaǵyn 100 gektarǵa deıin azaıtýǵa múmkin boldy.
Tótenshe jaǵdaılar departamenti jáne «İle-Balqash» memlekettik tabıǵı rezervaty» RMM kúshteri jaıaý júre otyryp, 5-kvartalda órtpen kúresýde. Qol shans quraldary men motopompalar paıdalanylýda.
Sondaı-aq Baqanas orman sharýashylyǵy ýchaskelerinde jalynnyń ótýin boldyrmaý úshin orman sharýashylyǵy kúshterimen jer jyrtý júrgizilip jatyr.
Eldi mekenderge qaýip joq», - delingen aqparatta.
Aıta keteıik, tabıǵı órtti sóndirýdi jedeldetý úshin 28 maýsym, saǵat 13.40-tan bastap «Qazavıaqutqarý» AQ-nyń MI-872 tikushaǵy jumyldyryldy. Qazirgi ýaqytta 7 ret sý shashyldy, barlyǵy 21 tonna sý.
Tilsiz jaýmen kúresti TJD jáne «İle-Balqash» tabıǵı rezervatynyń 70-ke jýyq qyzmetkeri 34 tehnıkany qoldana otyryp jalǵastyryp jatyr.