Memleket basshysy Qasym-Jomart Toqaev Túrkıa Prezıdenti Rejep Taııp Erdoǵanmen telefon arqyly sóılesti.
Eki el basshylary bir-birin Qurban aıt merekesimen quttyqtap, Qazaqstan men Túrkıanyń baýyrlas halyqtaryna ıgilik pen baq-bereke tiledi, dep habarlaıdy Almaty-akshamy.kz.
Áńgimelesý barysynda saýda-ekonomıkalyq, ınvestısıalyq jáne gýmanıtarlyq salalardaǵy ekijaqty strategıalyq seriktestikti odan ári damytý perspektıvalary talqylandy. Byltyr Memleket basshysynyń Ankaraǵa jáne Túrkıa Prezıdentiniń Astanaǵa jasaǵan memlekettik saparlary kezinde qol jetkizilgen ýaǵdalastyqtardy tıimdi júzege asyrýǵa basa mán berildi. Taraptar taǵy halyqaralyq jáne óńirlik kún tártibindegi ózekti máseleler jóninde pikir almasty.