Almatyda telefon urysy beınebaqylaý kamerasyna túsip qaldy
Almatyda telefon urysy beınebaqylaý kamerasyna túsip qaldy, dep habarlaıdy Almaty-akshamy.kz Polisia.kz-ke silteme jasap.
Másele birneshe urlyq jasady degen kúdikke ilingen 25 jastaǵy N.esimdi er adam jaıynda.
«Bes kún ishinde jas jigit úsh ret uıaly telefon urlaǵan. Qaskóı kóshelerde, adamdar kóp jınalatyn jerlerde, saýda ortalyqtarynda júrgen. Onyń is-áreketi birneshe ret beınekameraǵa tústi. Barlyq faktiler boıynsha qylmystyq ister tirkeldi. Jedel izdestirý is-sharalary barysynda kúdikti ustaldy. Belgili bolǵandaı, ol urlyqtyń bireýin kóshede jasaǵan: jábirlenýshiniń qaltasynan IPhone 12 PRO markaly uıaly telefonyn urlaǵan. Taǵy bir urlyq SÚ jasalǵan: jigit sóreden Huawei uıaly telefonyn urlap ketken. Ustalǵan azamat buryn osyǵan uqsas qylmystar jasaǵany úshin sottalǵan», – deıdi Jetisý aýdandyq polısıa basqarmasy bastyǵynyń orynbasary Asqat Dáýletıarov.
Ustalǵan azamat óz kinásin moıyndap, birneshe qylmysqa qatystylyǵyn rastady. Barlyq faktiler bir óndiriske biriktirilgen. Kúdikti ýaqytsha ustaý ızolátoryna qamaldy.