İİM Almaty akademıasynyń tyńdaýshylary Dinmuhamed Qonaevty eske aldy.
22 tamyz – qazaq halqynyń birtýar perzenti, kórnekti saıası jáne memleket qaıratkeri Dinmuhamed Ahmetuly Qonaevty eske alý kúninde İİM M.Esbolatov atyndaǵy Almaty akademıasynyń tyńdaýshylary qoǵam qaıratkeriniń bústine gúl shoqtaryn qoıyp, onyń murajaıyna jáne Memorıaldy páterine saıahat jasady, dep habarlaıdy Almaty-akshamy.kz Polisai.kz-ke silteme jasap.
Dinmuhamed Ahmetuly - uzaq jyldar Qazaq KSR Kompartıasy Ortalyq Komıtetiniń birinshi hatshysy, KSRO Ortalyq Komıteti Saıası búrosynyń múshesi bolǵan, úsh márte Sosıalısik Eńbek Eri ataǵyn alǵan kórnekti qaıratker.
Qazaq halqynyń birtýar perzenti Dinmuhamed Qonaevtyń esimin máńgi este qaldyrý maqsatynda Nur-Sultan, Almaty, Taraz, Taldyqorǵan, Ekibastuz qalalaryndaǵy kóshelerge esimi berilse, 3 mamyrda Almaty oblysynyń Qapshaǵaı qalasy Qonaev qalasy bolyp ózgertildi. Dinmuhamed Ahmetuly Qonaevtyń elge sińirgen eńbegi men jetistikterin keńinen nasıhattaý úshin ótkizilgen is-shara akademıa tyńdaýshylarynyń Otanǵa degen patrıottyq rýhyn kótereri anyq.