Qazaqstandyq boksshylar áýesqoı bokstaǵy jetekshi elder arasynda top-10-da birinshi oryn ıelendi.
Halyqaralyq boks qaýymdastyǵynyń (IBA) reıtıńinde osylaı kórsetilgen. Kóshbasshylar úshtigine Ózbekstan men Reseı de kirdi, dep habarlaıdy aqshamnews.kz.
Osylaısha, Qazaqstan 81 myń upaı jınap, reıtıńte birinshi orynǵa ıe boldy. 60 800 upaıy bar Ózbekstan – ekinshi, Reseı úshinshi (58 050 upaı) oryn ıelendi.
Ondyqqa Úndistan, Marokko, Kýba, Meksıka, Brazılıa, Italıa jáne Túrkıa sıaqty elder kirgen.
Sońǵy, 154-orynda Islandıa tur. Bul elde tek 50 upaı bar.
Jeltoqsan aıynda Taılandta bokstan Azıa chempıonaty aıaqtaldy. Qazaqstandyq erler komandasy tórt altyn, bes kúmis jáne bir qola jeńip aldy. Komandanyń bas bapkeri Qaırat Sátjanov eki jekpe-jektiń nátıjelerimen kelispeıtinin aıtqan.