Almaty qalasynda júrgizilgen jedel is-shara barysynda esirtki saýdasyna qatysy bar 22 jastaǵy jigit ustaldy.
Ol Jetisý aýdanyndaǵy jeke sektor aýmaǵynda qolǵa tústi. Polısıa qyzmetkerleriniń málimetinshe, kúdikti sıntetıkalyq esirtkini jasyryn oryndarǵa qaldyryp, onyń mekenjaıy men fotosýretin «jumys berýshilerine» jiberip otyrǵan, dep habarlaıdy aqshamnews.kz Polisia.kz-ke silteme jasap.
Osyndaı kezekti áreketteriniń birinde ol jedel ýákilderdiń qyraǵy nazaryna ilinip, quryqtaldy. Polısıa departamentiniń málimetinshe, tintý kezinde kúdiktiden qyzǵylt tústi untaq salynǵan toǵyz orama tárkilendi.
Jas jigit esirtki zattaryn úshinshi tulǵalarǵa ótkizý maqsatynda jasyryp ketkenin moıyndady. Qazir Almatyǵa "sıntetıkany" jetkizý arnalary men qylmystyq toptyń ózge de múshelerin anyqtaý baǵytynda keshendi jedel is-sharalar júrgizilýde. Bul derek boıynsha qylmystyq is qozǵalǵan.
Qylmystyq prosestiń talaptaryna sáıkes tergeý múddesine oraı ózge málimetter jarıalanbaıdy. Sonymen qatar Qazaqstan Respýblıkasy Konstıtýsıasynyń 77-babynyń 3-bólimi 1-tarmaǵyna jáne QR Qylmystyq kodeksiniń 19-babynyń 1-tarmaǵyna sáıkes, sottyń zańdy kúshi bar úkimi shyqqanǵa deıin kez kelgen azamat kinásiz dep tanylady.