Qazaqstan jastar quramasy hokeıden álem chempıonatyn eki iri jeńilispen bastady
26 jeltoqsannan bastap Kanadada hokeıden (20 jasqa deıingi jastar arasynda) álem chempıonaty ótip jatyr. Qazaqstan quramasy bes jyldyq úzilisten keıin elıtalyq dıvızıonda oınaýǵa qaıta oralǵan bolatyn, dep habarlaıdy aqshamnews.kz
- 28 jeltoqsan kúni Qazaqstan quramasy týrnırdi eki iri jeńilispen bastady. Birinshi oıynda bizdiń hokeıshiler Shvesıa quramasyna 1:8 esebimen jol berdi, dep habarlaıdy «Sport Shródıngera» telegram arnasy.
- Osyǵan qosa, sol kúnniń keshinde Qazaqstan quramasy sońǵy eki álem chempıonatynda qola júldeger jáne fınalıst bolǵan Chehıa quramasymen kezdesti. Bul machta da qazaqstandyqtar aýyr jeńiliske ushyrap, oıyn 1:14 esebimen aıaqtaldy.
Qurama úshin álem chempıonaty qıyn bastaldy, biraq týrnır áli aıaqtalǵan joq. Jas sportshylardyń aldaǵy oıyndarda ózin kórsetýge múmkindigi bar. El namysyn qorǵap jatqan oıynshylarǵa qoldaý bildireıik!