Almaty oblysy Qarasaı aýdanyndaǵy Qaskeleń kópirinen avtobýs qulap ketti, dep habarlaıdy aqshamnews.kz.
Jol apaty 12 qyrkúıek túngi saǵat 22:00 shamasynda boldy. Ázirge belgilisi, júrgizýshi jolda aýyryp, qanyndaǵy qant mólsheri kóterilip ketken.
Oblystyq polısıa jol apaty boıynsha qylmystyq is qozǵady.
12 qyrkúıekte Iýtong avtobýsynyń júrgizýshisi «Almaty-Bishkek» tas jolynyń 25-shaqyrymynda kele jatyp, keri burylý manevrin jasaǵan kezde róldi basqara almaı qalǵan. Saldarynan qorshaýǵa soǵylyp, kópirden qulap ketkeni anyqtaldy. Sol kezde Mercedes Benz Sprinter kóliginiń artqy jaǵyna tústi. Jol apaty kezinde avtobýs júrgizýshisi es-tússiz bolǵan, – dep habarlady Almaty oblystyq polısıa departamenti jergilikti polısıa qyzmeti bastyǵynyń orynbasary Berik Dákıev.
Qazirgi ýaqytta avtobýs júrgizýshisi jansaqtaý bóliminde jatyr.
Al jol apaty saldarynan kepteliste turǵan kólik sany birneshe shaqyrymǵa jetti. Toqtap turǵan kólikterdi polısıa tek eki saǵattan keıin joldan ótkize bastady.