AQSH Prezıdenti Djo Baıdenniń ákimshiligi qytaılyq Huawei korporasıasy úshin amerıkalyq kompanıalarǵa eksporttyq lısenzıa berýdi toqtatty.
Bul týraly brıtandyq Financial Times gazeti derekkózderge silteme jasap jazdy, dep habarlaıdy Almaty-akshamy.kz QazAqparatqa silteme jasap.
Olardyń pikirinshe, mundaı qadam AQSH bıligin Huawei-ge amerıkalyq tehnologıalardy satýǵa tolyq tyıym salýdy engizýge jaqyndatady. Basylym Baıden ákimshiliginiń Qytaıdyń tehnologıalyq damýyn, onyń ishinde jasandy ıntellekt pen gıper dybystyq qarý salasyndaǵy damýyn báseńdetýge baǵyttalǵan odaqtastarmen birlesken isti kúsheıtý áreketteri aıasynda osyndaı shara qabyldaǵanyn atap ótti.
Sońǵy jyldary Huawei Qytaı kompanıasyna sanksıa salǵan AQSH-tyń qatty qysymyna ushyrady. AQSH Saýda mınıstrligi ulttyq qaýipsizdikke qater tóngendikten, 2019 jyldyń 17 mamyrynan bastap Huawei-di qara tizimge engizip, kompanıanyń Amerıka Qurama Shtattarynan joǵary tehnologıalyq jabdyqty satyp alý múmkindigin aıtarlyqtaı shektedi. Vedomstvo keıinnen jelilerge qyzmet kórsetý jáne kompanıanyń mobıldi qurylǵylary úshin baǵdarlamalyq jasaqtama jańartýlaryn qamtamasyz etý lısenzıasyn shyǵardy, sodan keıin ony birneshe ret uzartqan bolatyn.