Almatydaǵy hostelde qaza tapqandardyń tiziminde kórsetilgen Túrkistan oblysynyń turǵyny tiri bolyp shyqty.
Saryaǵash aýdany, Derbisek aýylynda turatyn 20 jastaǵy azamat Ramazan Ámiráli qazir ata-anasynyń janynda, dep habarlaıdy Almaty-akshamy.kz.
Shymkenttegi medreselerdiń birinde oqıtyn ol eki apta buryn Almatyǵa baryp, sol hostelde bir tún túnegenin aıtady. Densaýlyǵyn teksertýge barǵan Ramazan ertesine aýylyna oralypty. Alaıda qaıtys bolǵandardyń tizimine qalaı enip ketkenin ózi de túsinbeı otyr. Órtten keıin onyń týystaryna kóńil aıtyp habarlasqandar kóp bolǵan kórinedi.
«Arada 12-13 kún ótkennen keıin oqıǵaǵa meniń tizimim shyǵyp tur da. Men bir-aq kún qonǵam. Túnde baryp, azanda shyǵyp ketkem ol jerden. Birinshi estigen kezde óziń qorqasyń ǵoı. Qudaı saqtap qalypty deısiń. Biz ketip qalǵannan keıin bolypty deısiń. Búkil týǵan týysqandardyń barlyǵy úıge kóńil aıtyp, ýje zvondap jatqan edi», - deıdi Derbisek aýylynyń turǵyny Ramazan Ámiráli.