Bul týraly Óńirlik komýnıkasıalar qyzmetiniń baspasóz-konferensıasynda Almaty qalasy ákiminiń orynbasary Álisher Ábdiqadyrov málimdedi. Sonymen qatar, bıyl Almatyda ınvestısıalyq belsendilik jalǵasyn tapty, dep habarlaıdy almaty-akshamy.kz.
Osy jyldyń 10 aıynda negizgi kapıtalǵa 1,2 trln teńge ınvestısıa tartyldy. Jeke ınvestısıalardyń ósýi 10,9% - ǵa deıin jedeldedi. Bul rette, densaýlyq saqtaý salasyna ınvestısıalar 3,6 esege, aqparat pen baılanysqa – 90% – ǵa, turý jáne tamaqtaný qyzmetterine – 26% - ǵa, óńdeý ónerkásibine-10,8% - ǵa ósti.
«Óńdeýshi ónerkásipti, týrızmdi jáne IT-sektordy damytýǵa basa nazar aýdara otyryp, ınvestısıalardyń sapaly qurylymdyq ózgerisi oryn alýda», - deıdi Álisher Ábdiqadyrov.
Almaty qalasy ákiminiń orynbasary óńdeý ónerkásibin damytý máselelerine jeke toqtalyp, Indýstrıalyq aımaq pen «Inovasıalyq tehnologıalar parki» arnaıy ekonomıkalyq aımaǵynyń kásiporyndary qala ekonomıkasyn ártaraptandyrýǵa negizgi úles qosatynyn atap ótti. Máselen, aǵymdaǵy jyldyń esepti kezeńinde megapolıste 754,5 mlrd teńgege ónim óndirildi.
«Óndirilgen ónim qalanyń barlyq óńdeý ónerkásibi kásiporyndarynyń 50% - dan astamyn quraıdy. Jyl basynan beri ındýstrıalyq aımaq aýmaǵynda 269 jumys ornyn qurýmen 7,3 mlrd teńgege 4 joba iske qosyldy. Belsendi iske asyrý satysynda 147,1 mlrd teńgege 35 joba bar, 4363 jumys orny ashylǵan», - dedi ol.
Avtomobıl klasterin damytý jalǵasýda, onyń óńdeý ónerkásibi qurylymyndaǵy úlesi 36,4% - ǵa deıin ósti.
Sonymen qatar, ITP AEA aýmaǵynda elektrotehnıkalyq jabdyqtardy óndirý boıynsha joba engizildi. Belsendi iske asyrý satysynda 737 jumys ornyn qurýmen 27 mlrd teńgege 12 joba tur.
Qorytyndylaı kele, Álisher Ábdiqadyrov 2023 jyly óńdeý ónerkásibiniń ósýi 18,5% deńgeıinde kútiletinin atap ótti.