Pıramıdanyń qupıa esikteri ashylady.
Búgin arheologtar Heops pıramıdasynan tabylǵan úsh qupıa esikti ashady, dep habarlaıdy Almaty-akshamy.kz
Bul týraly Ulybrıtanıanyń The Sun gazetine bergen suhbatynda Mysyrdyń kóne jádigerler jónindegi burynǵy memlekettik mınıstri, qazirgi jetekshi arheology Zahı Havas aıtty.
Onyń aıtýynsha, qupıa esikterdiń biri beıittiń ekinshi kamerasynyń ońtústik kireberisine jaqyn jerde ornalasqan. Onyń eki mys tutqasy bar. Osy esiktiń artynda taǵy bir esik bar. Al úshinshi esik soltústik týnelde ornalasqan. Bul esik sımmetrıa úshin týneldiń artynda jasyrylǵan bolýy múmkin.
Eger jumbaq esikter ashylsa bul úlken jańalyq bolady. Óıtkeni, tabylǵan esikterdiń aınalasy birneshe ret zerttelgenimen olardyń artynda ne jasyrylǵany týraly eshkim eshteńe bilmeıdi, – dedi ol.
Búgin ǵalymdar barlyq esik ashylsa Heops pıramıdasynyń qupıasy tolyǵymen ashylady dep otyr.