Almatyda balalardyń jergilikti búdjet esebinen tólenetin 2500-den astam seksıalar men úıirmelerge qatysý múmkindigi bar.
Bul týraly Óńirlik komýnıkasıalar qyzmetiniń brıfıńinde Almaty qalasy ákiminiń orynbasary Arman Qyryqbaev málimdedi, dep habarlaıdy almaty-akshamy.kz.
Bıyl Almaty qalasynda memlekettik shyǵarmashylyq jáne sporttyq tapsyrysty iske asyrýǵa jergilikti búdjetten 16,2 mlrd.teńge bólindi.
Ortalyqsyzdandyrý sheńberinde 2023 jylǵy 1 sáýirden bastap memlekettik shyǵarmashylyq jáne sporttyq tapsyrystardy ornalastyrý jáne qarjylandyrý fýnksıalary aýdan ákimdikteriniń quzyretine berildi.
Memlekettik organ jumysynyń qurylymyna engiziletin ózgerister balalardyń qala aýdandary boıynsha qajettilikterine naqty taldaý jasaýǵa, qala aýdandarynyń ınfraqurylymyn damytýdy aıqyndaýǵa, sondaı-aq kórsetiletin qyzmetterdiń sapasyn baqylaýǵa yqpal etedi.