Bıyl mamyrda qazaqstandyqtar otbasyǵa arnalǵan búdjettik Haval M6 krosoverin satyp ala alady. Bul modeldi naryqta «Astana Motors» kompanıasynyń enshiles kompanıasy Haval Motor Kazakhstan usynady,-dep habarlaıdy Almaty-akshamy.kz.
Kólemi ortasha otbasyǵa arnalǵan Haval M6 krosoveri GWM konserniniń bestselleri bolǵan Haval H6 modeliniń platformasynda jasalǵan. Sondyqtan onyń belsendi qaýipsizdigi joǵary deńgeıdegi paketke ıe, pasıv qaýipsizdiginiń de kórsetkishteri jaqsy. Byltyr Haval M6 modeline restaılıng (stıliniń ózgerýi — red) jasaldy, sol sebepti qazaqstandyqtar birden jańa nusqasymen tanysady.
Bul model bizdiń naryqqa 143 a.k. bar benzın qozǵaltqyshymen jetkiziledi, onyń kórsetkishi 202 Hm aınaldyrý momentin beredi. Al qorabynyń eki túriniń birin tańdaýǵa bolady, olar: alty satyly mehanıka nemese jeti satyly robot túri. Modeli – aldyńǵy jetekti aspasy táýelsiz Makferson. Haval M6 ekologıalyq klasy Eýro-5 standarttaryna saı keledi.
Haval M6 modelinde elektronıka kóp emes, degenmen jaıly ári yńǵaıly. Modelde krýız-kontrol jáne júrgizýshige kólik aıdaǵanda kómektesetin júıe ornatylǵan: júrgizýshige órden túskende jáne órge shyqqanda, tejegishti shuǵyl basqanda jáne toqtap-toqtap qozǵalǵanda kómektesetin júıeler. Sonymen qatar aldyńǵy oryndyqtarynyń jylytqyshy, artqa júrý kamerasy men artqy parktronıkteri bar. Oǵan qosa kólikti kiltsiz ashýǵa bolady.
Haval M6-ny aıdaý óte yńǵaıly, ásirese avtokólik naryǵyn jappaı dıjıtal etýge úırenbegender úshin qolaıly: tach-basqarylatyn medıajúıe analog túımelermen jáne tutqalarmen tamasha úılesedi.
Haval M6 – otbasyǵa arnalǵan senimdi, keń ári qaýipsiz avtokólik. Baǵasy da sapasyna laıyq – bazalyq jınaqtamada 8 990 000 teńgeden bastalady, ıaǵnı Haval M6 – óz klasynda jáne Haval tizbeginde qalta kóteretin avtokólik.
Kompanıa jańa avtokólikti Haval dılerlik ortalyqtarynda mamyr aıynda usynady, al 10 sáýirden bastap aldyn ala tapsyrys berýge bolady.
Aıta keteıik, jýyrda bul model tek otbasyǵa arnalǵan emes, «úı kóligine» de aınalady. Dál osy model «Astana Motors» kompanıasynyń salynyp jatqan mýltıbrend zaýytynda óndiriledi, demek, 2025 jyly «Qazaqstanda jasalǵan» degen belgisi bar Haval M6 shyǵady.
