Almaty fılıalynyń dırektory Qazaqstan Respýblıkasy Prezıdentiniń janyndaǵy akademıaǵa túsý erejelerine toqtalyp, túsindirdi.
Qazaqstan Respýblıkasy Prezıdentiniń janyndaǵy Memlekettik basqarý akademıasy magıstratýra men doktorantýraǵa qujattardy qabyldaýdy bastady. Bul týraly jáne oqý múmkindikteri týraly Óńirlik komýnıkasıalar qyzmetinde ótken brıfıńte Akademıanyń Almaty qalasy fılıalynyń dırektory Áıgerim Ábilova tolyǵyraq baıandap berdi, dep habarlaıdy almaty-akshamy.kz
Qujattardy qabyldaý 3 sáýirde bastalyp, aǵymdaǵy jyldyń 29 maýsymyna deıin jalǵasady
«Biz memlekettik qyzmetshilerdi, kvazımemlekettik jáne jeke sektor qyzmetkerlerin konkýrsqa qatysýǵa jáne Akademıanyń bir múshesi bolýǵa shaqyramyz. Bıyl 6 magıstratýra, 3 doktorantýra jáne 2 modýldik baǵdarlama boıynsha úmitkerler qabyldanady, soǵan sáıkes, jumys ornynda úzbeı oqýǵa múmkindik bolady», - dedi A.Ábilova.
Spıkerdiń aıtýynsha, memlekettik bilim berý tapsyrysy boıynsha talapkerlerge qoıylatyn mindetti talap memlekettik organ basshysy qol qoıǵan joldama bolyp tabylady.
Sheteldik azamattardy qospaǵanda, taǵy bir talap – memlekettik tildi meńgerýdiń qajetti deńgeıin rastaý.
Akademıada qazaq tilin meńgerý deńgeıin anyqtaýǵa arnalǵan onlaın servıs ázirlendi jáne QRT testin tapsyrǵysy keletinder úshin arnaıy kýrstar qarastyrylǵan.
«Akademıanyń qazaq tilindegi bilimin baǵalaýdyń ózindik QAZAQ RESMI TEST júıesi bar, onyń nátıjeleri Qaztestpen birge Akademıaǵa qujat tapsyrý kezinde qabyldanady. Tildi meńgerý deńgeıin baǵalaýdyń dástúrli ádisterinen aıyrmashylyǵy, testileýdi onlaın rejıminde, kompúterden, kez kelgen ýaqytta, yńǵaıly jaǵdaıda tapsyrýǵa bolady», - dep túsindirdi spıker.
Negizgi ózgeristerge keletin bolsaq, memlekettik qyzmetshi – Akademıa túlegin oqýǵa jibergen memlekettik organda jumys isteý mindetinen alynyp tastalady.
Endi memlekettik qyzmetshilerge bes jyl emes, memlekettik qyzmette úsh jyl ǵana jumys isteý kerek.
Sonymen qatar spıker Akademıa erejelerindegi basqa da ózgeristermen bólisti:
– Syrtqy saıasatty júzege asyrý, halyqaralyq yntymaqtastyq jáne shet tilderin meńgerý úshin kadrlardy daıarlaýdy kúsheıtý maqsatynda «Halyqaralyq qatynastar» baǵdarlamasy boıynsha oqý merzimi 1 jyldan 2 jylǵa deıin uzartyldy.
- PhD baǵdarlamalary boıynsha jumys ótili 3 jyldan 5 jylǵa deıin ulǵaıtyldy.
- Eger ótken jyly memlekettik organ basshysynyń qoly qoıylǵan joldama aldynala oqýǵa túsý kezinde berilýi múmkin bolsa, bıylǵy jyly talapkerler qujattardy qabyldaý aıaqtalǵanǵa deıin joldamany tapsyrýy tıis, ıaǵnı aǵymdaǵy jyldyń 29 maýsymyn qosa alǵanda.
– Bıylǵy modýldik magıstratýra baǵdarlamasy tek memlekettik qyzmetshi emesterge arnalǵan
Sondaı-aq spıker 1-30 qarasha aralyǵynda modýldik magıstratýraǵa qujattardy qosymsha qabyldaý júrgiziletinin ashyq aıtty. Qujattar eki kezeńde qabyldanady jáne akademıanyń admission.apa.kz aqparattyq platformasynda onlaın rejıminde júzege asyrylatynyn brıfıńte tolyqqandy jetkizdi.