Qaragóz SÚLEIMENOVA, «Almaty áýenderi» KMQK-niń ánshisi, telejúrgizýshi:
- Qazaq eli men Qytaı arasyndaǵy vızasyz tártippen qarym-qatynas engizilýine qatysty aıtarym, aldymen týrızmdi damytýǵa mán berilýi kerek. Bul jaǵdaı elimiz ekonomıkalyq daǵdarysqa ushyramasa da, qajettilik. Alaıda, bul másele halyqaralyq zań normalarymen rettelýi tıis. Sonda ǵana barys-kelis baıandy, ekonomıkalyq qarym-qatynas qarqyndy bolady dep oılaımyn.
Qalaı bolǵanda da, qytaılyq taýar tasymaldaýshylar jergilikti, otandyq kásipkerdiń ónimin yǵystyryp tastamaýy tıis. Alash qaıratkerleriniń ózi qytaılyqtardyń saýdamen jaýlap alatyn qaýpin basa aıtqanyn qalaısha eskermeske? Bul memleketaralyq kelisimmen júzege asatyn sharýa bolsa-daǵy, qazaǵymyzdyń ulttyq sanasyna, salt-dástúrimizge nuqsan kelmeýi kerek.
Sol Qytaıdyń ózine ne Reseıge barsań, sol eldiń zań normalary aldyńnan qarsy alyp, san alýan shekteý shyǵa keletini ras. Bizdiń eldiń talaby da sondaı bolýy qajet. Áleýmettik jelidegi pikirlerdiń bári birdeı negizsiz emestigi osyndaıda oıǵa oralady. «Halyq aıtsa, qalt aıtpaıdy» degen beker bolmaǵany.
El-jurttyń qaýip eter tusy da barshylyq. Sol jaǵdaı erekshe eskerilip, qarym-qatynastyń zańdylyǵy qadaǵalanýy qajet. Ulan-ǵaıyr jerimizdiń amandyǵy mańyzdy. Erterekte qytaı qytaıdan: «Tamaq jediń be?» dep suraıdy eken. Astarly mánisi bar. Sol sebepten, asa saqtyqpen dıplomatıalyq baı tájirıbege súıener shaq keldi dep sanaımyn.