Sońǵy úsh jyl boıy eń kóp jalaqy alatyn fýtbolshy atanyp júrgen Lıonel Messıdi bul tizimde basyp ozǵandar bar
Amerıkanyń Forbes qarjy-ekonomıkalyq jýrnaly 2021 jyldyń eń kóp jalaqy alatyn fýtbolshylarynyń tizimin jarıalady, dep habarlaıdy Almaty-akshamy.kz 24.kz-ke silteme jasap.
Forbes reıtıńinde Messıdi portýgaldyq shabýylshy Krıshtıaný Ronaldý basyp ozdy. «Manchester Iýnaıted» fýtbol klýbyna «Iýventýs» klýbynan aýysqan Krıshtıaný Ronaldý bir jyl ishinde salyqtan tys 125 mıllıon dollar tabys tapqan. Sonymen birge, ol «Manchester Iýnaıtedke» aýysqany úshin klýbtan 70 mıllıon dollar jalaqy men ústemeaqy aldy. Al qalǵan somany seriktestik baǵdarlamalar men Nike, Herbalife, Clear jáne óziniń kásibi – átir, ish kıim, kózildirik jáne basqa da taýarlardy satý arqyly tapty.
Keıingi úsh jylda alǵash ret «Parı Sen-Jermen» (PSJ) fýtbolshysy Lıonel Messı ekinshi oryndy ıelendi. Forbes nusqasy boıynsha, ol bir jylda 110 mıllıon dollar tabys tapqan. Onyń 75 mıllıon dollary jalaqysy. Fýtbolshy fransýz klýbyna aýysqany úshin alǵan syılyqtyń bir bóligi oǵan krıptovalútamen tólengen. Argentınalyq shabýylshy qalǵan tabysyn Adidas, Pepsi, Jacobs & Co jáne Budweiser saǵattarymen 35 mıllıon dollarlyq jarnamalyq kelisim jasaǵan.
Eń kóp jalaqy alatyn TOP-10 fýtbolshy:
Ronaldý – 125 mln dollar;
Messı – 110 mln;
Neımar – 95 mln;
Kılıan Mbappe 43 mln;
Mohammed Salah – 41 mln;
Robert Levandovskı – 35 mln;
Andres Inesta – 35 mln;
Pol Pogba – 34 mln;
Garet Beıl – 32 mln;
Eden Azar – 29 mln.
Buǵan deıin UFC jekpe-jek sheberi Konor Makgregor Forbes jýrnaly boıynsha eń kóp jalaqy alatyn sportshylardyń tizimin bastaǵan bolatyn.