Sarapshy Almatyda avtomobıl sanyn qalaı azaıtýǵa bolatynyn aıtty.
Mılannyń kólik júıesiniń turaqty sarapshylar keńesiniń múshesi Federıko Parolotto Italıada qalalarda avtomobıldendirýdiń ósý máselesin qalaı sheshetinin aıtty, dep habarlaıdy Almaty-ashamy.kz.
«Almatyda shamadan tys avtokólik júrgizý qaýpi: jańa sheshimderdi izdeý» atty dóńgelek ústel barysynda sarapshy Mılan men Almatyny salystyryp, kóbeıip kele jatqan avtokólikten týyndaıtyn ortaq ekologıalyq máselelerdi anyqtady.
«Mılannyń tájirıbesine kelsek, aqyly avtoturaqtardy engizý jáne qala ortalyǵynda jeke kólikpen júrýdi shekteý óte tıimdi ádis boldy. Alaıda mundaı shekteýlerdi engizý úshin turǵyndarǵa balama nusqa usyný qajet jáne barlyq ózgeris júıeli túrde júrgizilýi kerek», - dedi Federıko Parolotto.