Úkimet tıisti qaýly qabyldady.
Halyqaralyq jasyl tehnologıalar jáne ınvestısıalyq jobalar ortalyǵynyń aksıalary memleket menshigine qaıtaryldy, dep habarlaıdy Almaty-akshamy.kz Úkimettiń baspasóz qyzmetine silteme jasap.
«Qazaqstannyń ekologıalyq uıymdarynyń qaýymdastyǵy» zańdy tulǵalar birlestiginiń «Halyqaralyq jasyl tehnologıalar jáne ınvestısıalyq jobalar ortalyǵy» komersıalyq emes aksıonerlik qoǵamy aksıalarynyń jalpy paketiniń 50 prosentin + 1 aksıasyn syıǵa tartý sharty boıynsha respýblıkalyq menshikke berý týraly usynysy qabyldansyn», - delingen qaýly mátininde.
Ortalyq 2018 jyldyń sáýirinde ekonomıkanyń básekege qabilettiligin, halyqtyń turmys sapasyn arttyrýǵa jáne qorshaǵan ortaǵa teris áserdi tómendetýge baǵyttalǵan eń ozyq qoljetimdi tehnologıalar qaǵıdattaryn engizý arqyly jasyl tehnologıalardy ilgeriletý jáne bıznesti qoldaý maqsatynda quryldy.
2018 jylǵy jeltoqsanda 50 paıyz + 1 aksıa tikeleı ataýly satý arqyly «Qazaqstannyń ekologıalyq uıymdarynyń qaýymdastyǵy» ZTB-ǵa berildi.
Osylaısha, aksıalar paketiniń 100%-y ekologıa, geologıa jáne tabıǵı resýrstar mınıstrliginiń basqarýymen memleket menshiginde bolady.
Eske sala keteıik, buǵan deıin Álıa Nazarbaeva Qazaqstannyń ekologıalyq uıymdary qaýymdastyǵynyń prezıdıýmynan ketken bolatyn.